غزني پوهنتون کې د علمي او څېړنیزو اثارو د نړیوالو معیارونو سره سم ترتیبولو لپاره د هیئت تعین په موخه د نشراتو مرکزي کمېټې ناسته ترسره شوه.
غزني پوهنتون کې د علمي او څېړنیزو فعالیتونو د لا پیاوړتیا، د علمي اثارو د معیاري کولو او د څېړنیزو خپرونو د کیفیت د لوړولو په موخه، د نشراتو مرکزي کمېټې ناسته د کمېټې د ټولو غړو په شتون کې ترسره شوه.
د ناستې پیل د قرآن عظیم الشآن د مبارکو آیتونو په تلاوت سره وشو.
ورپسې د علمي څېړنو او مجلې مرستیال پوهندوی دوکتور دریاخان هڅاند وویل چې باید د پوهنتون د ودې او تحول لپاره کار وکړو منظمې طرحې او پلانونه ترتیب کړو څو مو پوهنتون لا پرمختګ وکړي؛ او له ګډونوالو یې غوښتنه وکړه چې کمېټې ته د راتلونکو د رتبو د تثبیت دوسیې دقیقي او هر اړخیزي وکتل شي.
وروسته له اجنډا سره سم د یو تن استاد د رتبې د اخیستلو په موخه د ژباړل شوي اثر کتنه او د څېړونکو لخوا د لیکل شویو مقالو او علمي اثارو د نړیوالو معیارونو سره سم برابرولو لپاره د تخنیکي او فني هئيت تعین ترڅنګ په یو لړ متفرقه موضوعاتو هم بحث او لازمې پریکړي وشوې.
په پای کې، د نشراتو مرکزي کمېټې غړو ژمنه وکړه چې د علمي خپرونو د لا معیاري کېدو، د څېړنیزو مقالو د کیفیت او د نړیوالو اکاډمیکو اصولو د تطبیق لپاره به خپلو هڅو ته دوام ورکوي.
د نشراتو او عامه اړیکو عمومي مدیریت
نېټه: چهارشنبه
۱۴۴۷هـ.ق، ذوالقعدة الحرام ۱۲ مه
۱۴۰۵هـ.ش، ثور ۹ مه
۲۰۲۶م، اپریل ۲۹ مه
