غزني پوهنتون کې د شپږ ګونو پوهنځیو د کیفیت لوړاوي، کمېټو مسؤلینو ته د کیفیت لوړاوي معیارونو اړوند یو ورځنی زده کړه ایز سیمینار وړاندې شو.
قمري نېټه: شوال ٢٤، ۱۴۴۶ هـ.ق
لمریزه نېټه: غویی ٢، ۱۴۰۴ هـ.ش
میلادي نېټه: اپرېل ٢٢، ۲۰۲۵م
غزني پوهنتون کې د کمپیوتر ساینس پوهنځی په نوښت د پنځه ګونو پوهنځیو د کیفیت لوړاوي کمېټو مسؤلینو ته د کیفیت لوړاوي معیارونو اړوند یو ورځنی سیمینار وړاندې شو.
سیمینار د قرآن کریم د مبارکو آیتونو په تلاوت سره پیل شو، چې د معنوي فضا تر څنګ یې د سیمینار سپېڅلتیا څرګنده کړه.
ورپسې د یاد پوهنځي رئیس، پوهنمل عبدالمتین میاڼي، د پرانیستې وینا وکړه. نوموړي د سیمینار د جوړېدو ستاینه وکړه او ویې ویل چې د کیفیت معیارونه د تحصیلي پرمختګ لپاره بنسټیز ارزښت لري.
وروسته سیمینار د تضمین کیفیت عمومي مدیر، دوکتور محمد مهدي رضایي له خوا وړاندې شو. ښاغلي رضایي د کیفیت لوړاوي معیارونو اړوند، ارزونې میتودونو، او د پوهنتونونو د تعلیمي پرمختګ په لارو چارو هر اړخیز معلومات وړاندې کړل. ګډونوالو د نوموړي له وړاندې شوي سیمینار څخه خوښي څرګنده کړه او موضوع یې ګټوره وبلله.
د نشراتو او عامه اړیکو عمومي مدیریت
