غزني پوهنتون کې د رهبري غړو د طب او عامه ادارې او پالیسي پوهنځیو د فعالولو او طب پوهنځي تدریسي بلاک د ترمیم په موخه د همغږۍ ناسته ترسره کړه.
غزني پوهنتون کې د عمومي رئیس شیخ مولوي عبدالمالک محسن په مشرۍ، د معاون صاحبانو او د پوهنځيو له رئیس صاحبانو سره؛ د طب او عامه ادارې او پالیسي پوهنځیو د فعالولو د او د طب پوهنځي د تدریسي بلاک د پاتي چارو د ترسره کولو او ترمیم په موخه د همغږۍ ناسته ترسره کړه.
د ناستې پیل د قرآن کریم په مبارکو آیتونو سره وشو.
ورپسې عمومي رئیس د ناستې ګډونوالو ته د ښه راغلاست ویلو ترڅنګ یې، د یادو پوهنځیو لپاره د ورکړل شوي تشکیل په اړه معلومات ورسره شریک کړل او د رهبری له غړو څخه یې د دغو دوو پوهنځیو د فعالولو اړوند د مشورې اخیستلو غوښتنه وکړه.
وروسته د رهبري غړو د یاد تشکیل په منظوري خوښي څرګنده کړه او دایې د غزني پوهنتون د رهبرۍ د نه ستړي کېدونکو هلو ځلو پایله وبلله؛ او دارنګه یې د طب پوهنځي د تدریسي بلاک د پاتي چارو په ژر پیل او د افغان بیسیم مخابراتي شرکت له لوري په پوهنتون کې د فوټبال میدان په جوړولو او په راتلونکې ۱۴۰۵ هـ ش کې د ځینو زیربنایې پرژو او ودانیو جوړولو او د پوهنتون په مهمو لومړیتوبونو باندې خبري او اتري وکړې.
ناسته په دعایې سره پای ته ورسېده.
د نشراتو او عامه اړیکو عمومي مدیریت
چهارشنبه ، ۱۰ رجب المرجب ۱۴۴۷ هـ.ق— ۱۰ جدې۱۴۰۴هـ ش
