غزني پوهنتون کې د رهبري شورا ناسته ترسره او په یو لړ مهمو موضوعاتو د بحث ترڅنګ لازمي پریکړي ترسره شوې.
قمري نېټه: ربیع الاول ،۸، ۱۴۴۷ هـ.ق
لمريز نېټه: سنبله، ۱۰ ، ۱۴۰۴ هـ.ش
مېلادي نېټه: سیپټمبر، ۱ ، ۲۰۲۵م
غزني پوهنتون کې د رهبري شورا ناسته د پوهنتون د عمومي رئیس الحاج مولوي عبدالواسع منصور په مشرۍ د یاد پوهنتون د اداري، علمي او تدریسي مسوولینو په ګډون ترسره شوه.
چې پیل یې د قرآن پاک په مبارکو آیتونو سره وشو.
ورپسې د تیري رهبري شورا پریکړو ته لنډه کتنه وشوه.
دارنګه د نوي اجنډا مطابق له پوهنتون سره د همکارۍ په موخه د استخباراتو لوی ریاست د رئیس صاحب له لوري د رالیږل شویو پيسو د مصرف لپاره د مالي او اداري چارو معاونیت تر مشرۍ لاندې کمېټه جوړه او دنده ورکړل شوه ترڅو دغه پیسې د ساحې او لارو د هوار کاري لپاره په منظم ډول مصرف شي. او همدارنګه د لیلیې د چارو د لا منظموالي، د ټولو مسافرو محصلینو لپاره په بازار کې د استوګنیزو ځایونو برابرولو او تحصیلي نصاب اړوند د ځینو وړاندیزونو څېړنې تر څنګ په یو لړ مهمو او متفرقه موضوعاتو بحث او په اړوند یې لازمې پریکړې ترسره شوې.
د غونډې په پای کې د پوهنتون رئیس ټینګار وکړ چې د غزني پوهنتون د علمي معیار لوړول، د محصلینو د اړتیاوو پوره کول او د شفافې اکاډمیکې فضا رامنځته کول د ادارې لومړیتوب دی. هغه د ټولو غړو له هڅو مننه وکړه او د پرېکړو د پلي کېدو لپاره یې اړوندو څانګو ته لازمې سپارښتنې وکړې.
غزني پوهنتون د هېواد په کچه یو له مهمو علمي مرکزونو څخه دی چې د زرګونو ځوانانو د لوړو زدهکړو لپاره د خدمتونو د وړاندې کولو ترڅنګ، د ټولنې د علمي، فرهنګي او مسلکي ودې په برخه کې مهم رول لوبوي.
د نشراتو او عامه اړیکو عمومي مدیریت
