غزني پوهنتون کې د رهبري شورا ناسته ترسره؛ او د ۱۴۰۴هـ ش کال د غوره څېړونکو د تقدیر ترڅنګ په یولړ نورو مهمو موضوعاتو بحث او لازمې پریکړې ترسره شوې.
غزني پوهنتون کې د رهبري شورا فوقالعاده ناسته د پوهنتون د عمومي رئیس، مرستیالانو، د پوهنځیو رئیسانو او د اړوندو برخو مسئولینو په ګډون ترسره شوه.
ناسته د قرآن کریم د څو مبارکو آیتونو په تلاوت سره پیل شوه.
ورپسې عمومي رئیس شیخ مولوي عبدالمالک محسن د غونډې ګډونوالو ته د ښه راغلاست ویلو ترڅنګ زیاته کړه چې باید ورځني کارونه په منظم ډول او پر وخت ترسره او هر یو د نظام د تقویت او پیاوړتیا لپاره کار وکړو او همداراز یې په چارو کې په شفافیت ټینګار وکړ.
وروسته د تېري ناستې پریکړو ته د اطمینان په موخه لنډه کتنه وشوه؛ او همداراز د نوې اجنډا سره سم د پوهنتون د تېر ۱۴۰۴هـ ش کال تطبیقي پلان د ارزونې، له افغان ملي بانک سره د معاشاتو د حواله کولو د قرارداد، د سلطان محمود غزنوي خصوصي پوهنتون د محصلینو د درسونو، له مجلې آمریت سره د شرعي بورډ د دوامداره همکاري او د ۱۴۰۴هـ ش کال د غوره څېړونکو د تقدیر د بودیجې تائیدي ترڅنګ په یو شمېر مهمو او متفرقه موضوعاتو بحث او لازمې پریکړې ترسره شوې.
د نشراتو او عامه اړیکو عمومي مدیریت
نېټه: دوشنبه
۱۴۴۷هـ.ق، ذوالقعدة الحرام ۳ مه
۱۴۰۴هـ.ش، حمل ۳۱ مه
۲۰۲۶م، اپریل ۲۰ مه
