غزني پوهنتون کې د دوره یی بیاکتنې سره د آشنایي په موخه یو ورځنی معلوماتي سمینار ترسره شو.
غزني پوهنتون کې د دوره یی بیاکتنې پروسې د پېژندنې او عملي پلي کېدو په موخه یو ورځنی معلوماتی سمینار ترسره شو. دغه سمینار د غزني پوهنتون د تضمین کیفیت آمریت لخوا تنظیم او وړاندې شو، چې پکې د پوهنتون معاون صاحبانو، د پوهنځیو رئیسانو او د څانګو آمرینو ګډون کړي وو.
د سمینار پیل د قرآن کريم په مبارکو آیتونو سره وشو. وروسته د تضمین کیفیت آمریت مسؤلینو د دوره یی بیاکتنې مفهوم، اړتیا، موخې، پړاوونه او ارزونې معیارونه په تفصیل سره تشریح کړل. او زياته یې کړه چې دوره یی بیاکتنه د پوهنتون د تدریس، څېړنې، اداري خدمتونو او ټولنیزو فعالیتونو د معیاري کولو لپاره یو مهم میکانیزم دی.
ګډونوالو ته د موضوع د ښې روښانتیا لپاره بیلابیل مثالونه او کړنلارې وړاندې شول. ګډونوالو د بحث په برخه کې خپلې پوښتنې، نظریات او وړاندیزونه شریک کړل، چې د سمینار د لا ښه پلي کېدو لپاره ګټور ثابت شول.
د پوهنتون علمي چارو مرستیال هم د تضمین کیفیت آمریت دا نوښت وستایلو او ټینګار یې وکړ چې دغه ډول روزنیز سیمینارونه د پوهنتون د کیفیت د پیاوړتیا او معیاري خدماتو د وړاندې کولو په لاره کې مهم رول لوبوي.
د نشراتو او عامه اړیکو عمومي مدیریت
دوشنبه ، ۱۷ جمادی الثاني ۱۴۴۷ هـ.ق— ۱۷ قوس۱۴۰۴ه ش
