غزني پوهنتون کې د خزاني سمیستر د نهایې ازموینو له روان بهیر څخه د نظم، شفافیت او د محصلینو د ستونزو د ارزونې په موخه لیدنه ترسره شوه.

غزني پوهنتون کې د محصلانو چارو مرستیال مفتي عزت الله نوري د خزاني سمیسټر د نهایي ازموینو له روان بهیر څخه د شفافیت، نظم او معیاري ترسره کېدو او محصلینو ته د سالم چاپېریال برابرولو په موخه لیدنه ترسره کړه. 
ښاغلي نوري په ټولو پوهنځیو کې د ازموینو خونې وکتلې، د پوهنځیو له رئیسانو، استادانو او د ازموینو د څار له ټیم سره یې خبرې وکړې او د محصلینو وضعیت او د ازموینو د څرنګوالي په اړه یې نظرونه واورېدل.او ټینګار یې وکړ چې د ازموینو بهیر باید له هر ډول درغلیو پاک، عادلانه او د پوهنتون د کړنلارې سره سم ترسره شي.
د لیدنې پر مهال د ازموینو د امنیت، د ازموینو د موادو د خونديتوب او د اسانتیاوو د برابرېدو په اړه هم لازمې سپارښتنې وشوې.
د یادونې وړ ده چې دغه ازموینې تېره ورځ د لوړو زده کړو وزارت د حکم سره سمې پیل چې شاو خوا دری اونۍ به دوام وکړي.

د نشراتو او عامه اړیکو عمومي مدیریت
یکشنبه ، ۲ جمادی الثانی ۱۴۴۷ هـ.ق— ۲ قوس ۱۴۰۴ هـ.ش