غزني پوهنتون کې د حفظ، مراقبت او ترانسپورت مدیریت بست ته قاري عبدالواسع سعید معرفي او رسماً یې خپله دنده پیل کړه.
د غزني پوهنتون د اداري او خدماتي چارو د پیاوړتیا په موخه، قاري عبدالواسع سعید د حفظ، مراقبت او ترانسپورت د مدیریت د نوي مدیر په توګه رسماً معرفي او خپلي چاري یې پیل کړې. د پېژندنې د مراسمو په غونډه کې د مالي او اداري چارو مرستیال الحاج شیخ عبدالهادي ذوالهادي او د دغه معاونیت اړونده کارمندانو حضور درلود.
چې د شیخ صاحب له لوري قاري عبدالواسع سعید یاد مدیریت ته رسماً ور وپېژندل شو او په چارو کې ورته د الله تعالی ج له دربار څخه د توفیق، خیر او برکت او د ښه خدمت کولو غوښتنه وشوه.
د نشراتو او عامه اړیکو عمومي مدیریت
سه شنبه ، ۲۷ جمادی الاول ۱۴۴۷ هـ.ق— ۲۷ عقرب ۱۴۰۴ هـ.ش
