غزني پوهنتون کې د تحصیلي نصاب کمېټې له لوري په ۱۴۰۴هـ ش کال کې د ترسره شویو کړنو راپور وړاندې کولو په موخه ناسته ترسره کړه.

غزني پوهنتون کې د تحصیلي نصاب کمېټې ناسته د علمي چارو د مرستیال مولوي محمد حیدر حمزه په مشرۍ، د پوهنځیو د رئیسانو او ټولو غړو په ګډون ترسره شوه.
د ناستي پیل د قرآنکریم په مبارکو آیتونو سره وشو.
وروسته مولوي صاحب حمزه د غونډې ګډونوالو ته وویل چې د کال په سر کې باید د ټولو پوهنځیو د درسي نصاب ارزونه ترسره او د ټولنې له اړتیاوو او غوښتنو سره سم نصاب ترتیب شي او زیاته یې کړه چې باید د استادانو د درسي موادو او کورس پالیسیو څخه هم کتنه ترسره ترڅو له نصاب سره سم تطبیق شي.
وروسته د کمېټې د مسؤل استاد پوهندوي محمد عمر دروېش له لوري د تحصیلي نصاب کمېټې کلنی راپور وړاندې شو او ویې ویل چې په تېر کال کې د نصاب د بیاکتنې، اصلاح او نوي کولو لپاره ګڼ شمېر تخنیکي غونډې، ورکشاپونه او مشورتي ناستې ترسره شوې او د کمېټې اتیا فېصده موارد ترلاسه شوي دي.
وروسته له اجنډا سره سم د کمېټې د غړو له لوري د تحصیلي نصاب د تطبیق او نظارت د چک لیستونو ارزونه، د تحصیلي نصاب د فرعي کمېټو د ۱۴۰۵هـ ش کال د اړوندو فعالیتونو څخه د نظارت ترڅنګ په متفرقه موضوعاتو هم بحث او لازمې پرکړي ترسره شوې.

د نشراتو او عامه اړیکو عمومي مدیریت
نېټه: سه شنبه
۱۴۴۷هـ.ق، شوال المکرم ۲۰ مه
۱۴۰۵هـ.ش، حمل ۱۸ مه
۲۰۲۶م، اپریل ۷ مه