غزني پوهنتون کې د بیلابیلو پوهنځیو محصلینو ته د ناسمو رواجونو د مخنیوي په تړاو د عالیقدر امیرالمؤمنین حفظه الله تعالی د فرمان د ابلاغ او ښه پوهاوي اړوند ورځنی سیمینار ترسره شو.
قمري نېټه: ذالحجه ۲۱، ۱۴۴۶ هـ.ق
لمريز نېټه: جوزا ۲۷، ۱۴۰۴ هـ.ش
مېلادي نېټه: جون ۱۷، ۲۰۲۵
تیره ورځ د غزني پوهنتون د بیلابیلو پوهنځیو محصلینو ته د خوښیو، ودونو، مصیبتونو، او د حج او عمرې څخه د راستنېدو پر مهال د ناسمو رواجونو د مخنیوي په اړه د عالیقدر امیرالمؤمنین حفظه الله تعالی ۱۷ مه ګڼه فرمان د تشریح او عامه پوهاوي په موخه یو ورځنی سیمینار وړاندې شو .
دغه فرمان، چې د قرآني آیتونو او نبوي احادیثو په رڼا کې ترتیب شوی، په اسلامي ټولنه کې د ناسمو رواجونو بېلابېلې بېلګې او د هغوی د مخنیوي دلایل په کې په تفصیل سره بیان شوي دي.
یاد فرمان د دعوت او ارشاد آمریت آمر مولوي نقیب احمد منذر له لوري تشریح او په ټولنه کې د ناوړه رواجونو په اړه يې مفصل معلومات له محصلینو سره شریک کړل.
او هم مهاله یې له محصلینو څخه غوښتنه وکړه چې دغه فرمان ښه مطالعه، او د ټولنې نورو وګړو ته په ښه توګه ورسوي تر څو اسلامي ټولنه د ناسمو رواجونو څخه پاکه او ناوړه رواجونه ختم شي.
د نشراتو او عامه اړیکو عمومي مدیریت
