غزني پوهنتون کې د اقتصاد پوهنځي د ټولو صنفونو محصلینو ته د یاد پوهنځي د ستراتیژیک پلان د پېژندنې او تشریح په موخه روزنیز سیمینار ترسره شو.
قمري نېټه: ذالقعده ۱۵، ۱۴۴۶ هـ.ق
لمريز نېټه: ثور ۲۳، ۱۴۰۴ هـ.ش
مېلادي نېټه: می ۱۳، ۲۰۲۵م
نن ورځ په غزني پوهنتون کې د اقتصاد پوهنځي د ټولو صنفونو محصلینو ته د یاد پوهنځي د ستراتیژیک پلان د پېژندنې او تشریح په موخه یو ورځنی علمي او معلوماتي سیمینار ترسره شو.
په دغه جوړ شوي علمي سیمینار کې د اقتصاد پوهنځي استاد پوهنمل احسان الله سعید د پوهنځي او اړوندو څانګو د ستراتیژیکو پلانونو اړوند ترتیب شوي تفصیلي پریزنټېشن کې محصلینو ته د پوهنځي رسالت/مأموریت، لرلید، بنسټیز ارزښتونه، ځواکمنتیاوي او فرصتونه، ستراتیژیکي موخي او د ستراتیژیک پلان اړوند یې هر اړخیز معلومات وړاندې کړل.
او د سیمینار په پای کې محصلینو خپلې پوښتنې او نظریات شریک او د دوی پوښتنو ته ځوابونه وویل شول.
د نشراتو او عامه اړیکو عمومي مدیریت
