غزني پوهنتون کې د اداري کارکوونکو د روغتیا، حفظ الصحې او سالم کاري چاپېریال د لا ښه تأمین په موخه د ساري ناروغیو د مخنیوي، روغتیا ساتنې او لومړنیو مرستو اړوند معلوماتي او د عامه پوهاوي سمینار ترسره شو.
غزني پوهنتون کې د کارکوونکو چارو آمریت له لوري، د اداري کارکوونکو د روغتیا ساتنې او سالم کاري چاپېریال د لا ښه تأمین په موخه د ساري ناروغیو د مخنیوي، روغتیا ساتنې او لومړنیو مرستو اړوند معلوماتي او پوهاویز سمینار ترسره شو.
یاد سمینار د ښوونې او روزنې پوهنځي د بیولوژي څانګې استاد پوهنمل حبیب الله پائیز وړاندې کړ؛ چې پرمهال يې ګډونوالو ته د ساري ناروغیو پېژندنه، د انتقال د مخنیوي، د فردي او چاپېریالي حفظ الصحې د مراعاتولو، د سالم ژوند د اصولو او د بېړنیو پېښو پر مهال د لومړنیو مرستو د ترسره کولو په اړه لازم معلومات وړاندې کړل.
د سمینار موخه د اداري کارکوونکو د روغتیايي پوهاوي لوړول، د ناروغیو د مخنیوي په برخه کې د هغوی د مسؤلیت احساس پیاوړی کول او د سالم او خوندي کاري چاپېریال رامنځته کول و.
د غزني پوهنتون اداره د خپلو کارکوونکو د روغتیا ساتنې ترڅنګ، د روغتیايي پوهاوي د کچې لوړولو لپاره د ورته روزنیزو پروګرامونو ترسره کول مهم بولي.
د نشراتو او عامه اړیکو عمومي مدیریت
چهارشنبه
۱۴۴۸/۰۳/۲۶ هـ.ق
۱۴۰۵/۰۶/۱۸ هـ.ش
۲۰۲۶/۰۹/۰۹م
