غزني پوهنتون کې استادانو ته د عالیقدر امیرالمؤمنین حفظهالله تعالی ورعاه د فرمانونو، حکمونو او لارښوونو جریدې تدریس ترسره شو.
غزني پوهنتون کې د عمومي رئیس شیخ مولوي عبدالمالک محسن له لوري استادانو ته د عالیقدر امیرالمؤمنین حفظهالله تعالی د فرمانونو، حکمونو او لارښوونو جریدې تدریس ترسره شو.
په یاد تدریسي پروګرام کې د ټولو پوهنځیو استادانو ګډون درلود. چې پر مهال یې د جریدې محتوا په تفصیلي ډول تشریح شوه او د فرمانونو، حکمونو او لارښوونو د تطبیق ارزښت، قانوني حیثیت او د علمي بنسټونو په چارو کې یې اغېز وڅېړل شو.
په ورته مهال رئیس صاحب ټینګار وکړ چې د عالیقدر امیرالمؤمنین حفظهالله تعالی فرمانونه او حکمونه د اسلامي شریعت، ملي ګټو او ټولنیز نظم پر بنسټ ولاړ دي او د پوهنتونونو استادان مکلف دي چې د خپلو تدریسي، اداري او مسلکي چارو پر مهال یادې لارښوونې په بشپړه توګه په پام کې ونیسي.
د پروګرام ګډونوالو دغه ډول علمي او ارشادي ناستې ګټورې وبللې او څرګنده یې کړه چې د جریدې تدریس د استادانو د پوهاوي د لوړولو، د واحد فکري دریځ د رامنځته کولو او د نظام د پالیسیو د سم تطبیق په برخه کې مهم رول لري.
د یادونې وړ ده چې یاده جریده په اونۍ کې هره سه شنبه د عمومي رئیس له لوري استادانو ته تدریس او تشریح کیږي.
د نشراتو او عامه اړیکو عمومي مدیریت
سه شنبه ، ۲۳ رجب المرجب ۱۴۴۷ هـ.ق— ۲۳ جدې۱۴۰۴هـ ش
