غزني پوهنتون کې استادانو او محصلینو ته د محصلینو ظرفیت لوړونې پلان او د علمي آزادۍ د تطبیق تر سرلیک لاندې دوه ورځنی علمي او معلوماتي پیل شو.
غزني پوهنتون کې د علمي چارو معاونیت له لورې استادانو او محصلینو ته د «محصلینو د ظرفیت لوړونې پلان او د علمي آزادۍ تطبیق» تر سرلیک لاندې دوه ورځنی علمي او معلوماتي سمینار پیل شو.
په یاد سمینار کې د عمومي رئیس او د علمي د مرستیال ترڅنګ د پوهنځیو رئیسانو، استادانو، اداري کارکوونکو او ګڼ شمېر محصلینو ګډون کړی و. د سمینار موخه د محصلینو د علمي وړتیاوو لوړول، د زدهکړې چاپېریال پیاوړی کول او په پوهنتوني چاپېریال کې د علمي آزادۍ د ارزښتونو ترویج بلل شوی ده.
د سمینار د پیل د وینا پر مهال عمومي رئیس شیخ مولوي عبدالمالک محسن د یاد سمینار په پیل خوښي څرګنده کړه او د علمي چارو د معاونیت څخه د مننې ترڅنګ یې د نني سمینار په ارزښت او اهمیت خبري وکړې او زیاته يې کړه چې استادان دي محصلین داسې وروزي چې په راتلونکې کې د دین او هیواد د دفاع لپاره داسي څه جوړ کړي، څو له نوري نړۍ مخکښ او له محتاجي څخه يې خلاص شو؛ او محصلین هم باید ځانونه په اخلاقي روحیه سمبال؛ او د نن ورځي ټکناژیکو غوښتنو سره سم مخي ته ولاړشي.
وروسته د سمینار موضوع د علمي چارو د مرستیال مولوي محمد حیدر حمزه له لوري وړاندې شوه، چې پرمهال یې د پوهنځیو رئیسان او استادان خپلو مسؤلیتونو ته متوجه کړل او ويې ویل چې استادان باید، د محصلینو د مفهومي درک پیاوړتیا، منظمې مطالعې ته د محصلینو تشویق او هڅونه، د محصلینو د تحلیلي او انتقالي فکر لوړول، د محصلینو د علمي لیکنې په برخه کې د هغوی درک پیاوړی کول او د محصلینو د اخلاقي کړنو کنټرول او په اسلامي اخلاقو سمبالولو اړوند يې هر اړخیز معلومات د سمینار له ګډونوالو سره شریک کړل او په اخېر کې یې محصلین وهڅول چې له موجودو علمي فرصتونو څخه اعظمي ګټه پورته کړي، په څېړنیزو او علمي فعالیتونو کې فعاله ونډه واخلي او د خپلو مهارتونو د لوړولو لپاره دوامداره هڅه وکړي.
د نشراتو او عامه اړیکو عمومي مدیریت
نېټه: یکشنبه
۱۴۴۷هـ.ق، رمضان المبارک ۱۹ مه
۱۴۰۴هـ.ش، حوت ۱۷ مه
۲۰۲۶م، مارچ ۸ مه
