غزني پوهنتون کې اداري کارکوونکو د مسلکي وړتیاوو د لوړولو په موخه، د اسنادو دوسیه بندۍ او جلسې مدیریت تر سرلیک لاندې دوه ورځنی علمي او معلوماتي سمینار پیل شو.
قمري نېټه: محرم الحرام ۱۲، ۱۴۴۶ هـ.ق
لمريز نېټه: سرطان ۱۷، ۱۴۰۴ هـ.ش
مېلادي نېټه: جولای ۸، ۲۰۲۵م
غزني پوهنتون کې د اداري کارکوونکو د مسلکي وړتیاوو د لوړولو په موخه، د "اسنادو دوسیه بندۍ یا د اسنادو فایل بندۍ او جلسې مدیریت" تر عنوان لاندې دوه ورځنی ښوونیز او معلوماتي سمینار پیل شو.
یاد سمینار د پوهنتون د کارکوونکو د ګمارنې د لوړتیا، پیاوړتیا او اداري پراختیا مدیریت په ابتکار د غونډو په عمومي تالار کې ترسره شو.
چې پیل یې د قرآن کریم په مبارکو آیتونو سره وشو.
ورپسې د غزني پوهنتون د علمي چارو مرستیال مولوي محمد حیدر حمزه ګډونوالو ته ښه راغلاست وویلو او د سمینار د اهمیت په اړه یې وویل: اداري مسلکي توب د یوې ادارې یا علمي نهاد بنسټیز رکن دی. د اسنادو منظم ترتیب او د غونډو مؤثر مدیریت، د شفافو او چټکو ادارو لپاره اړین مهارتونه دي." نو باید په دغه سمینار کې فعاله برخه واخلو او له دغه فرصته عظیمه استفاده وکړو.
وروسته د تضمین کیفیت عمومي مدیر دکتور محمد مهدي رضایې ګډونوالو ته د جلسې په پېژندنه، د جلساتو ډولونه، د اداري جلساتو اصول او د اداري غونډو د پلان، اجنډا جوړونې او پرېکړو د تعقیب په برخو کې نظري او عملي زدهکړې اړوند ترتیب کړی پریزینټېشن وړاندې کړ.
د یادونې وړ ده چې دغه دوه ورځنی پروګرام به د ګډونوالو اداري مهارتونه نور هم پیاوړي کړي. په پای کې به ټولو ګډونوالو ته د ګډون سندونه هم ورکړل شي.
د نشراتو او عامه اړیکو عمومي مدیریت
