غزني پوهنتون لیلیه کې مېشت محصلینو ته د امیرالمؤمنین حفظهالله تعالی د ارزښتناکو او لارښود فرمانونو د قدردانۍ ترڅنګ د محصلینو د صورت او سیرت، سمون او معنوي ودې په موخه اصلاحي بیان وړاندې شو.
قمري نېټه: ربیع الاول ،۲۴، ۱۴۴۷ هـ.ق
لمريز نېټه: سنبله، ۲۶ ، ۱۴۰۴ هـ.ش
مېلادي نېټه: سپتامبر، ۱۷ ، ۲۰۲۵م
تېره شپه غزني پوهنتون په لیلیه کې ګڼ شمېر مېشت محصلینو ته د محصلانو چارو مرستیال مفتي عزت الله نوري د امیرالمؤمنین حفظهالله تعالی د ارزښتناکو او لارښود فرمانونو د قدردانۍ ترڅنګ د محصلینو د صورت او سیرت، سمون او د ځوان نسل د فکري روزنې کتاب اړوند اصلاحي بیان وړاندې شو.
د دغو اصلاحي خبرو پرمهال ښاغلي نوري، ټینګار وکړ چې د امیرالمؤمنین حفظهالله تعالی ورعاه لارښوونې د امت د سوکالۍ، وحدت او اصلاح ضامن دي او د محصلینو لپاره دا یوه ستره دنده ده چې د خپل ژوند په ټولو برخو کې د دغو لارښوونو پلي کولو ته ځانګړې پاملرنه وکړي.
همداراز، په اصلاحي بیان کې د ځوان نسل پر دیني او اخلاقي روزنه ټینګار وشو او محصلینو ته د علم تر څنګ د عمل، تواضع، اخلاص او د اسلامي ارزښتونو د ساتنې سپارښتنه وشوه.
ګډونوالو د دغه ډول پروګرامونو له ترسره کېدو خوښي وښوده او ټینګار یې وکړ چې دا ډول معنوي او اصلاحي غونډې د محصلینو په فکري او اخلاقي جوړښت کې اغېزناک رول لري.
د غونډې په پای کې د الله تعالی دربار ته د دعا لاسونه پورته شول او له لوی رب څخه د اسلامي نظام د پیاوړتیا او د محصلینو د علمي او معنوي بریاوو غوښتنه وشوه.
د نشراتو او عامه اړیکو عمومي مدیریت
