غزني پوهنتون د کرني پوهنځي استادانو او کارکوونکو ته د یاد پوهنځي، تائید شوې ستراتیژیک پلان اړوند، علمي او معلوماتي سیمینار وړاندې شو.

۱۴۴۶هـ ق د رجب المرجب ۲۸مه

۱۴۰۳هـ ش د سلواغې ۱۰ مه

۲۰۲۵م د جنورۍ ۲۹ مه

د غزني پوهنتون د کرني پوهنځي استادانو او کارکوونکو ته د یاد پوهنځي، تائید شوې ستراتیژیک پلان اړوند علمي او معلوماتي سیمینار وړاندې شو.

دغه غونډه، چې د کرنې پوهنځي د اداري ټیم په همکارۍ جوړه شوې وه، پکي د یاد پوهنځي استادانو او اداري کارکوونکو، شتون درلود.

د غونډې پیل د قرآن کریم د مبارکو آیتونو په تلاوت سره وشو، ورپسې د کرنې پوهنځي رئیس پوهندوي حبیب الله همایون د ستراتیژیک پلان د ارزښت او موخو په اړه تفصيلي وینا وکړه. نوموړي د پلان د جوړښت، د تطبیق میکانیزم، او د مهمو اهدافو تشریح وکړه، چې پکې د تدریس او څېړنې کیفیت لوړول، د عملي زده کړو پیاوړتیا، د کرنې د نوې تکنالوژۍ پراختیا، او د سیمه‌ییزو کرنیزو اړتیاوو ته د مؤثر ځواب ورکولو مسایل شامل وو.

همداراز، د غونډې په ترڅ کې د یاد پوهنځی استاد پوهندوی سید رحیم غفاري د ستراتیژیک پلان تشریح او د کرنې پوهنځي د تاریخي مخینې او یاد پوهنځي د تأسیس او څانګو په اړه یې خبرې وکړې.

په پای کې، د کرنې پوهنځي مشرتابه له ټولو ګډونوالو مننه وکړه او ټینګار یې وکړ، چې د دغه ستراتیژیک پلان بریالی تطبیق به د پوهنځي د علمي کچې د لوړولو او د کرنې سکتور ته د غوره کدرونو د وړاندې کولو لامل شي.

د نشراتو او عامه اړیکو عمومي مدیریت