غزني پوهنتون د مالی او اداری چارو مرستیال د یاد ولایت د فواید عامې ریاست د رئیس سره په پوهنتون کې د ځينې کارونو د ترسراوي په موخه ناسته ترسره کړه.
غزني پوهنتون مالي او اداري چارو مرستیال، محترم شیخ الحدیث عبدالهادی ذوالهادی د یاد ولایت د فواید عامې رئیس، سره د پوهنتون د ځينې کارونو د ترسراوي په موخه ناسته ترسره کړه.
په دې ناسته کې دواړو لورو د پوهنتون اړوند ځینو بنسټیزو چارو او اړتیاوو په اړه مفصل بحث او د نظرونو تبادله وکړه. د ناستې اصلي موخه د پوهنتون د ځینو فزیکي چارو او ساختماني ستونزو د حل لپاره د فواید عامې ریاست همکاري ترلاسه کول وه.
محترم مرستیال د غزني پوهنتون د ودانیو، سړکونو، د پیاوړتیا په برخه کې د فواید عامې ریاست له خوا د مرستې غوښتنه وکړه.
په مقابل کې، د فواید عامې رئیس د پوهنتون له مسؤلینو سره د همکارۍ ډاډ ورکړ او څرګنده یې کړه چې یاد ریاست به د خپلې ممکنې بودجې او منابعو په چوکاټ کې د پوهنتون د اړتیاوو د پوره کولو لپاره لازم اقدامات وکړي.
ناسته د دواړو لورو ترمنځ د راتلونکو عملي ګامونو د همغږۍ په هوکړه پای ته ورسېده.
د نشراتو او عامه اړیکو عمومي مدیریت
دوشنبه، ۱۳، ربیع الثاني،۱۴۴۷هـ.ق — ۱۴، مېزان، ۱۴۰۴ هـ.ش
