غزني پوهنتون د تېر ۱۴۰۴هـ ش کال په اوږدو کې د بېلابېلو عایداتي سرچینو له لارې ټولټال ۱،۲۳۰،۲۶۴ افغانۍ عواید راټول کړي؛ او د اسلامي امارت بودیجې ته یې سپارلي دي.

غزني پوهنتون د تېر ۱۴۰۴هـ ش کال په اوږدو کې د بېلابېلو عایداتي سرچینو له لارې ټولټال ( ۱،۲۳۰،۲۶۴ یو میلیون، دوه لکه، دیرش زره، دوه سوه، څلور شپېته ) افغانۍ عواید راټول کړي او د اسلامي امارت بودیجې ته یې سپارلي دي. دغه عواید د پوهنتون د اداري نظم، اغېزمن مدیریت او د شته امکاناتو د سمې استفادې څرګندونه کوي.
په ورته مهال د مالي او حسابي چارو آمر مولوي نقیب احمد منذر وویل چې دغه عواید یې له مختلفو سرچینو لکه د ډیپلوم او ټرانسکریپټ، قطعي اموال، شرطنامه، د کانتین کرایې او اړوندو نورو منابعو څخه په منظم ډول راټول او د اسلامي امارت بودیجې ته یې سپارلي دي؛ او زیاتوي چې د پوهنتون د عوایدو د زیاتوالي لپاره به لا ډېرې طرحې او برنامې عملي شي، څو دغه علمي بنسټ په راتلونکي کې لا زیاتې لاسته راوړنې ولري. 

باید وویل شي چې غزني پوهنتون د علمي، تحقیقي او اداري فعالیتونو ترڅنګ، هڅه کوي چې د هېواد د لوړو زده کړو نظام د پیاوړتیا، د محصلینو د معیاري زده کړو برابرولو او ملي اقتصاد سره د مرستې په برخه کې خپل رول لا اغېزمن کړي.

د نشراتو او عامه اړیکو عمومي مدیریت
نېټه: پنج شنبه 
۱۴۴۷هـ.ق، ذوالقعدة الحرام ۲۰ مه
۱۴۰۵هـ.ش، ثور ۱۷ مه
۲۰۲۶م، مې ۷ مه