غزني پوهنتون استادانو ته د دعوت ارشاد آمریت له لوري د امام ابوحنیفه(رح) د ژوند او شخیصت اړوند معلوماتي سیمینار وړاندې شو.
ورځ: سه شنبه
۲۲ جمادیالثاني ۱۴۴۶ هـ ق
۴ جدی ۱۴۰۳ هـ ش
۲۴ ډسمبر ۲۰۲۴ م
د غزني پوهنتون د دعوت او ارشاد آمریت له لوري د استادانو لپاره د اصلاحي او عقیدوي درسونو په لړۍ کې نن ورځ د امام ابوحنیفه(رح) د ژوند، شخصیت، او مذهب په اړه یو مهم معلوماتي سیمینار وړاندې شو.
یاد سیمینار د شرعیاتو پوهنځي استاد شیخ محمد نسیم راشد لخوا وړاندې شو. په سیمینار کې ګډونوالو ته د امام ابوحنیفه(رح) د ژوند اړوند هر اړخیز معلومات وړاندې شول، چې د نوموړي فقهي فکر او عقیدوي لاره وڅیړل شوه. استاد راشد ګډونوالو ته وویل چې د امام ابوحنیفه(رح) د ژوند طریقه زموږ لپاره یو مهم الهام دی، او موږ کولی شو د هغه په لارښوونو د عمل په کولو سره د دنیا او آخرت کامیابي ترلاسه کړو.
دغه سیمینار د دعوت او ارشاد آمریت له خوا هره سه شنبه د استادانو لپاره جوړېږي، ترڅو د اسلامي ارزښتونو د پیاوړتیا او اصلاح په برخه کې د پوهې کچه لوړه کړي.
د نشراتو او عامه اړیکو عمومي مدیریت
