د ټولنې اصلاح او فکري رغښت یو ورځني سمینار کې د غزني پوهنتون د ژبو او ادبیاتو پوهنځي له لوري د ټولنې د نوښتګرو وګړو لپاره د اغېزمنو طرحو جوړولو په موخه هر اړخیز معلومات او پایلې شریکي شوې.
د غزني ولایت د اطلاعاتو او کلتور او پوهنې ریاستونو په ګډه همکاري د «ټولنې اصلاح او فکري رغښت» تر سرلیک لاندې یو ورځني جوړ شوي سمینار کې، چې د بېلابېلو ادارو شاو او خوا ۳۵۰ تنه استازو، استادانو، ځوانانو او د ټولنې نوښتګرو وګړو پکې ګډون کړی و. د غزني پوهنتون د ژبو او ادبیاتو پوهنځي له لوري د ټولنې د نوښتګرو وګړو لپاره د اغېزمنو طرحو، جووړلو او ټولنیزو نزاکتونو په اړه هر اړخیز معلومات، د عملي کېدو وړ طرحې او نظریات وړاندې شول.
د دغه سمینار موخه د ټولنې د فکري ودې، مثبتو بدلونونو، نوښتونو ته د زمینې برابرولو او د ځوانانو او نوښتګرو وګړو د اغېزمن مشارکت پیاوړتیا بلل شوې ده.
هیره دي نه وي چې د دغو موضوعاتو د وړاندې کولو موخه د ژبو او ادبیاتو پوهنځي له لوري د ستراتیژیکو موخو ترلاسه کول؛ او د ټولنې د نوښتګرو وګړو لپاره د علمي څېړنو او نوښت په برخه کې د کوټلو ګامونو اخیستل یاد شوي دي.
د نشراتو او عامه اړیکو عمومي مدیریت
شنبه
۱۴۴۸/۰۳/۰۸ هـ.ق
۱۴۰۵/۰۵/۳۱ هـ.ش
۲۰۲۶/۰۸/۲۲م
