د ننګرهار پوهنتون ۱۶ تنه استادانو د علمي تجربو شریکولو او اړیکو د پیاوړتیا په موخه د غزني پوهنتون له علمي، اداري او ټکنالوژیکو برخو څخه لیدنه ترسره کړه.
د لوړو زده کړو د بنسټونو ترمنځ د علمي تجربو د شریکولو او د اړیکو د پیاوړتیا په موخه، د ننګرهار پوهنتون ۱۶ تنه استادانو د یوه علمي سفر په ترڅ کې د غزني پوهنتون له بېلابېلو علمي، اداري او ټکنالوژیکو برخو څخه لیدنه وکړه.
د دغه سفر پر مهال د ياد پوهنتون استادانو د غزني پوهنتون علمي پروګرامونه، تدریسي بهیر، اداري سیستمونه، څېړنیزې چارې، معلوماتي ټکنالوژۍ، لابراتوارونه او نور اړوند مرکزونه وکتل. چې پرمهال يې د غزني پوهنتون مسؤلینو د خپلو فعالیتونو او لاسته راوړنو په اړه معلومات وړاندې کړل او د دواړو پوهنتونونو د استادانو ترمنځ د علمي تجربو د تبادلې په موخه خبرې اترې وشوې.
په ورته مهال د دواړو پو هنتونونو استادانو د علمي همکاریو د پراختیا، ګډو څېړنیزو فعالیتونو، د تجربو شریکولو او د لوړو زده کړو د کیفیت د لوړولو په برخه کې د همکارۍ پر دوام ټینګار وکړ.
باید وویل شي چې د استادانو دغه علمي سفر د پوهنتونونو ترمنځ د اړیکو د پیاوړتیا، د نوښتونو د شریکولو او د علمي پرمختګ لپاره یو مهم ګام بلل کېږي.
د نشراتو او عامه اړیکو عمومي مدیریت
چهار شنبه
۱۴۴۸/۰۱/۲۲ هـ.ق
۱۴۰۵/۰۴/۱۷ هـ.ش
۲۰۲۶/۰۷/۰۸ م
