د لوړو زده کړو وزارت د څېړنې، تالیف او ژباړې ریاست د هدایت په اساس غزني پوهنتون د علمي څېړنو معاونیت له لورې د دغه پوهنتون استادانو ته پیل شوی دری ورځنی سمینار نن ورځ پای ورسیدل.
سه شنبه : ۱۴/ربیع الاول/۱۴۴۶ه.ق
۲۷/سنبله/۱۴۰۳ ه.ش
۱۷/سیپټمبر/۲۰۲۴ م
د غزني پوهنتون د تحقیقاتو او علمي څېړنو معاونیت له لورې د استادانو د مسلکي آمریت په ملتیا د استادانو د مسلکي او څېړنیز ظرفیت لوړوني په موخه پیل شوي دری ورځنی سمینار نن ورځ پای ته ورسېدل. د سمینار پیل له معمول سره سم د قرآن عظیم الشآن په څو مبارک آیاتونو سره پیل شو. ورپسې د زراعت پوهنځي استاد پوهندوی سید رحیم غفاري، د علمي څېړنو معاون پوهنمل عبدالمتین میاڼي او د ښاغلي استاد پوهنمل محمد مسعود نیکنام له لوري په ترتیب سره د ژورنالونو اړوند مفاهیم د هغوی په ډولونو او ژورنالونو ته د مقالو په لیږد او د نړیوالو ژورنالونو اړوند معلوماتو ترڅنګ د پروپوزل او مقاله لیکني په اصولو په تحقیق کې د موضوعاتو په ټاکنه او د یادو مطالبو اړوند هر اړخیز معلومات وړاندي شول، د سمینار په پای کې ښاغلي میاڼي له ټولو استادانو او د دغه سمینار له ګډونوالو مننه وکړه. او ترڅنګ یې د سمینار ګډونوالو ته تصدیق پاڼي ووېشل شوې.
د نشراتو او عامه اړیکو عمومي مدیریت
