د غزنی پوهنتون د مالی کمېټې ناسته ترسره شوه، او د تدارکاتو کلني راپور د وړاندې کولو ترڅنګ پکي د نویو اخیستل شویو کمپیوټرونو او پرینټرونو د وېش پرېکړه وشوه.
ورځ:دوشنبه
د ۱۴۴۶ هجري قمري کال د رجب المرجب ۱۲مه
د ۱۴۰۳ هجري شمسي کال د جدي ۲۴مه
او د ۲۰۲۵ میلادي کال د جنورۍ ۱۳مه
د غزني پوهنتون د مالی کمېټې ناسته د ملي او اداري چارو مرستیال مولوي محمد جاوید خالد په مشرۍ ترسره شوه. او په یو شمیر مهمو او متفرقه مسایلو باندي د خبرو ترڅنګ لازمي پریکړي وشوې.
ناسته د کلام الله د مبارک آیتونو په تلاوت سره پرانیستل شوه. ورپسې د مالي او اداري چارو مرستیال، ښاغلي خالد، د ګډونوالو د ښه راغلاست ترڅنګ د هغوی د صحت پوښتنه وکړه او د الله تعالی له دربار څخه یې په کارونو کې د کامیابۍ دعا وکړه.
په دې ناسته کې د پوهنتون لپاره د اخیستل شویو اداري اجناسو لکه د کمپیوټرونو او پرینټرونو وېش په اړه پرېکړه وشوه چې دغه وسایل تر زره توزیع ترڅو اداري چاري لا منظمي او چټکي شي. او همدارنګه د تدارکاتو کلنی راپور، چې د تدارکاتو آمریت د آمر ښاغلي حزب الله نقشبندی له خوا وړاندې شو، د پوهنتون مالي وضعیت او د بودیجې مصرف وضاحت یې وړاندي کړ.
د راپور له مخې، په پوهنتون کې یوشمیر لویې او وړې پروژې رواني دي چې د ځینو کارونه یې له شپېته فیصده تر اتیا فیصده پوري مخته تللي او پاتي کارونه به د روان کال تر پایه بشپړ او ګټي اخیستني ته به وسپارل شي.
په دغو پروژو کې د پوهنتون د پیاده روونو جدولونو او احاطوي دیوال ترمیم، د زراعت پوهنځي لپاره د څېړنیز فارم، د برق انتقال، د اوبو څاه او لیلیې لپاره د طعام خونې د پاتي کارونو او یو شمېر نورو تدارکاتي پروژو ترسره کول شامل وو.
په ناسته کې د پو یو لړ نورو مهمو موضوعاتو باندي هم بحث او لازمې پرېکړې وشوې. ناسته د دعا په ويلو پای ته ورسېده.
د نشراتو او عامه اړیکو عمومي مدیریت
