د غزني پوهنتون له عمومي کتابخانې سره د ۲۰۰ جلده په شاو او خوا کې د علمي، معلوماتي او څېړنیزو کتابونو مرسته وشوه.
قمري نېټه: ذالحجه ۳۰، ۱۴۴۶ هـ.ق
لمريز نېټه: سرطان ۷، ۱۴۰۴ هـ.ش
مېلادي نېټه: جون ۲۸، ۲۰۲۵م
نن ورځ د غزني پوهنتون له عمومي کتابخانې سره د غزني لایت د افغان پُست د مسؤل معراج الدين غیرت په همکارۍ د علومو اکاډمې غړې آغلې څېړندوی سونیا صمیم هوتک له لوري د پوهنیزو او علمي منابعو د پراختیا په موخه د ۲۰۰ جلده بیلابیلو علمي، معلوماتي، څېړنیزو او مسلکي کتابونو مرسته د پوهې د ترویج، مطالعې فرهنګ پیاوړي کولو او محصلینو د علمي اړتیاوو د پوره کولو په هدف ترسره کړه.
په ورته مهال د غزني پوهنتون عمومي رئیس الحاج مولوي عبدالواسع منصور، علمي چارو مرستیال مولوي محمد حیدر حمزه او مسؤلینو له پوهنتون سره د ۲۰۰ جلده نویو کتابونو مرسته وستایله او دا یې د پوهنتون لپاره یو مهم پرمختګ وباله او زیاته یې کړه چې دغه ډول مرستې نه یوازې زموږ د کتابخانې علمي زیرمه پیاوړې کوي، بلکې زموږ محصلینو ته د مطالعې زمینه پراخوي. او له پوهنتون سره نورو دیته ورته مرستو په جلب کې هم مرسته کوي او دارنګه یې له مرسته کوونکې څخه ځانګړې مننه وکړه چې د پوهې د ترویج په برخه کې مرسته کوي.
په اخیر کې د غزني پوهنتون مشرتابه له ټولو هغو بنسټونو، شخصیتونو او نورو ادارو څخه غوښتنه وکړه چې د علم د خدمت لپاره دا لړۍ جاري وساتي او له غزني پوهنتون سره د داسې او نورو وسایلو او منابعو مرسته وکړي.
د نشراتو او عامه اړیکو عمومي مدیریت
