د غزني پوهنتون عمومي رئیس د اداري شفافیت د پیاوړتیا په موخه د پنځو پوهځیو د استادانو او کارکوونکو له حاضریو څخه د کنټرول په موخه نظارت او څارنه ترسره کړه.
د اداري شفافیت د ټینګښت او د کار د نظم د ښه والي په موخه، د غزني پوهنتون عمومي رئیس شیخ مولوي عبدالمالک محسن نن د دغه پوهنتون د پنځو (شرعیات، ژبو او ادبیاتو، ښوونه او روزنه، اقتصاد او کمپیوټرساینس) پوهنځیو د استادانو او اداري کارکوونکو له حاضریو څخه د کنټرول په موخه نظارت او څارنه ترسره کړه.
په دغه څارنه کې، د پوهنتون رئیس له اړوندو پوهنځیو څخه د حاضریو د ثبت څرنګوالی وڅېړه او له مسؤلینو څخه یې د دقت، شفافیت او وخت په نظر کې نیولو غوښتنه وکړه. نوموړي ټینګار وکړ چې د حاضریو دقیق ثبت او منظم څار د پوهنتون د اداري اصلاحاتو یوه مهمه برخه ده او د کیفیت لوړولو، حسابورکونې او د مسؤلیت د فرهنګ د پیاوړتیا لامل ګرځي.
رئیس صاحب په خپلو څرګندونو کې زیاته کړه: موږ ژمن یو چې په غزني پوهنتون کې د شفاف، منظم او حساب ورکوونکي اداري سیستم بنسټ ټینګ کړو.
په ورته مهال د پوهنځیو مسؤلینو د اداري شفافیت د پروسې ملاتړ وکړ او ډاډ یې ورکړ چې د حاضریو د ثبت په برخه کې به لا زیات نظم او همغږي رامنځته کړي.
د یادونې وړ ده چې د غزني پوهنتون مشرتابه د اداري اصلاحاتو، شفافیت او د حساب ورکونې د کلتور د پیاوړتیا په برخه کې یو لړ عملي ګامونه اخیستي، چې دا څارنه یې یوه مهمه برخه ده.
د نشراتو او عامه اړیکو عمومي مدیریت
نېټه: یکشنبه
۱۴۴۷هـ.ق، رمضان المبارک ۵ مه
۱۴۰۴هـ.ش، حوت ۳ مه
۲۰۲۶م، فبروري ۲۲ مه
