د غزني پوهنتون د مالي او اداري چارو مرستیال د یاد پوهنتون د اړتیاوو، ستونزو او پرمختیایي وړاندیزونو شریکولو په موخه د ولایتې پرمختیایي کمېټې په میاشتنۍ ناسته کې ګډون وکړ.
د غزني پوهنتون د مالي او اداري چارو مرستیال الحاج شیخ عبدالهادي ذوالهادي د غزني ولایت د پرمختیایي کمېټې په میاشتنۍ ناسته کې ګډون وکړ، چې موخه یې د یاد پوهنتون د اړتیاوو، ستونزو او پرمختیایي وړاندیزونو شریکول وو.
یاده ناسته د غزني ولایت د مرستیال والي الحاج مولوي سردار محمد مدني په مشرۍ، د امارتي ادارو د مسؤلینو او د غیر امارتي مؤسیساتو داستازو په حضور کې ترسره شوه.
چې پیل یې د قرآن عظیم الشآن د مبارکو آیتونو په تلاوت سره وشو.
ورپسې مرستیال والي صاحب د چارو د همغږۍ او دندې په صداقت ترسره کولو ټینګار وکړ. هغه زیاته کړه چې په تېرو غونډو کې د یو شمېر فعالیتونو نهه پرېکړې او پلانونونه نیول شوي و، چې دا غونډه به یې د ارزونې، پایلو او راتلونکو اقداماتو لپاره یو فرصت وي.
وروسته د تیري ناستې پریکړو ته لنډه کتنه وشوه، چې په ترڅ کې یې د ۱۴۰۵ هـ ش کال لپاره د نورو ولایتي ادارو د پرمختیایې وړاندیزونو ترڅنګ د غزني پوهنتون د علمي، اداري او بنسټیزو اړتیاوو په اړه هر اړخیز بحث او یادونه وشوه؛ چې په راتلونکې ۱۴۰۵ هـ ش کال کې یې د دغه پوهنتون د پرمختګ لپاره شپږ پرمختیایې پروژې په نظر کې نیولي. ترڅو د دغه علمي نهاد د علمي او ټولنیز پرمختګ سبب وګرځي.
په اخېر کې پرېکړه وشوه، چې د لومړنیو اړتیاوو په پام کې نیولو سره، د ټولو امارتي اداراتو د ستونزو د حل لپاره به د ولایت مقام په مشرۍ له اړوندو مسؤلینو سره په همغږۍ د یادو ستونزو د حل په موخه به له لوړ پوړو مسؤلینو سره لیدنې ترسره کړي.
د نشراتو او عامه اړیکو عمومي مدیریت
پنج شنبه ، ۲۷ جمادی الثاني ۱۴۴۷ هـ.ق— ۲۷ قوس۱۴۰۴ه ش
