د غزني پوهنتون د علمي چارو مرستیال د شپږګونو پوهنځیو له رئیسانو سره د استادانو د علمي څېړنو او علمي برنامو ترسره کولو په موخه د همغږۍ ناسته وکړه.
نېټې او ورځ :دوشنبه
٢٨ جمادیالثاني ۱۴۴۶ هـ ق
١٠ جدی ۱۴۰۳ هـ ش
٣٠ ډسمبر ۲۰۲۴
نن ورځ د غزني پوهنتون د علمي چارو مرستیال مولوي محمد حیدر حمزه د دغه پوهنتون د شپږګونو پوهنځيو له رئیسانو سره د استادانو له لوري د علمي څېړنو او د علمي برنامو د ترسره کولو په موخه ګډه علمي او مشورتي ناسته ترسره کړه.
چې پکې د ژمنیو رخصتیو په دوام د استادانو له لوري د علمي څېړنو د ترسره کولو او د هغوی لپاره د اړینو اسانتیاوو د برابرولو، علمي برنامو ترسره کولو اړوند یې بحث او خبري اتري وکړې او له رئیس صاحبانو څخه یې د خپلي پوهنځۍ اړوند د استادانو له لوري د ژمي په جریان کې د ترسره شویو علمي چارو او تحقیقاتو راپورونو غوښتنه یې وکړه.
او همدارنګه یې د تحصیلي نصاب او د تیر خزاني سمیستر د استادانو او محصلینو د ستونزو اړوند یې معلومات وغوښتل تر څو په راتلونکي کال کې دغه ستونزي او مشکلات حل او درسي څاپېریال لا منظم او درسي پلانونه په ښه توګه پرمخ لاړ شي.
د نشراتو او عامه اړیکو عمومي مدیریت
