د غزني پوهنتون د علمي څېړنو او تحقیقاتو معاونیت له لوري استادانو ته د خلاقیت او نوښت تر عنوان لاندي يو ورځنی علمي سیمینار دائر شو.
سه شنبه : ۱۰/جمادی الاول/۱۴۴۶ه.ق
۲۲/عقرب/۱۴۰۳ه.ش
۱۲/نوامبر/۲۰۲۴م
د غزني پوهنتون د علمي څېړنو او تحقیقاتو معاونیت له لوري د یاد پوهنتون استادانو ته د خلاقیت او نوښت تر عنوان لاندي یو ورځنی علمي سمینار وړاندي شو.
په جوړ شوي سیمینار کې د علمي چارو مرستیال مولوي محمد حیدر حمزه د دعوت او ارشاد آمر مولوي نقیب احمد منذر او ټولو استادانو شتون درلود، چې پیل د قرآنکریم په څو مبارکو آیاتونو سره وشو.
ورپسې د علمي چارو مرستیال ښاغلي حمزه د وینا پرمهال دغسې سیمینارونه ګټور وبلل او زیاته یې کړه، چې موږ او تاسو باید په ګډه د خپل تحصلي نهاد د ودي او ترقي لپاره په مختلفو میتودونو کار وکړو ترڅو پوهنتون په هره برخه کې پرمختګ وکړي او په خپلو کړنو او د څېړنو په برخه کې خلاقیت او نوښت په نظر کې ونیسو.
وروسته د اقتصاد پوهنځي استاد پوهنمل احسان الله سعید له لوري د سمینار اړوند موضوعاتو لکه د خلاقیت په مفهوم او پېژندنه، د خلاقیت پر پروسې، د خلاقیت پرمختګ، د خلاقیت موانع، د خلاقیت د ودي تکنیکونه، د نوښت مفهوم او پېژندني، د خلاقو او نوښتګرو وګړو پر ځانګړنو، د خلاقیت او نوښت تر منځ پر توپیر او نورو موضوعاتو اړوند چمتو کړي معلومات وړاندي کړل.
او په اخیر کې د ګډونوالو پوښتنو ته ځوابونه وویل شول.
د نشراتو او عامه اړیکو عمومي مدیریت
