د غزني پوهنتون د علمي شورا نوبتي ناسته ترسره شوه.
دوشنبه : ۲/جمادی الاول/۱۴۴۶ه.ق
۱۴/عقرب/۱۴۰۳ه.ش
۴/نوامبر/۲۰۲۴م
د معمول سره سم د غزني پوهنتون د علمي شورا نوبتي ناسته ترسره او په یو لړ مهمو موضوعاتو پکې خبرې اترې وشوې. ناسته د اجنډا مطابق د قرآنکریم په څو مبارکو آیاتونو پیل ورپسې د علمي چارو مرستیال او د پوهنتون سرپرست رئیس مولوي محمد حیدر حمزه ګډونوالو ته د علمي شورا په ارزښت او پر وخت د استادانو د ترفېعاتو په کولو او لړ نورو اړينو مسائلو لنډه مقدماتي وينا وکړه، ټينګار یې وکړ چې په پوهنتون کې باید د همکارۍ روحيه پياوړې کړو تر څو علمي ودي ته لاره هواره شي او ستونزو ته پر وخت رسېدنه وشي.
وروسته د شورا غړو د بیلابیلو پوهنځيو د استادانو د علمي ترفېعاتو دوسيو، د ښوونې او روزنې پوهنځي، ژبو او ادبیاتو پوهنځي د قرار دادي استادانو دوسيو، د اقتصاد پوهنځي ستراتیژیک پلان او ځينو متفرقه مسائلو په اړه لازمي پرېکړې وشوې، ناسته د دعایې په ویلو پای ته ورسېده.
د نشراتو او عامه اړیکو عمومي مديريت
