د غزني پوهنتون د علمي شورا نوبتي ناسته ترسره او د علمي معاونیت د کاري پلان د تائیدي ترڅنګ په یولړ نورو مهمو موضوعاتو پکي بحث او خبرې اترې وشوې.
نېټې او ورځ: چهارشنبه
هجري قمري: ۳۰ جمادیالثاني ۱۴۴۶
هجري شمسي: ۱۲ جدی ۱۴۰۳
میلادي: ۱ جنوري ۲۰۲۵
د غزني پوهنتون د علمي شورا نوبتي ناسته د ټولو غړو په شتون کې ترسره او د علمي معاونیت د کاري پلان د تائیدي ترڅنګ په یولړ نورو مهمو موضوعاتو پکي بحث او خبري اتري وشوې.
غونډه د قرآن عظیم الشان په مبارکو آیتونو پیل شوه.
ورپسې د غزني پوهنتون عمومي رئیس الحاج مولوي عبدالواسع منصور د غونډې ګډونوالو ته د ښه راغلاست او هرکلي ترڅنګ یې د دوی د صحت او عافیت پوښتنه وکړه؛ وروسته یې د علمي چارو د لا ښه والي او د ځینو ستونزو د ژر حل غوښتنه یې وکړه.
همدارنګه د شورا غړو د تیري علمي شورا پریکړو ته لنډه کتنه وکړه.
ورپسې یې د اجنډا مطابق په یو لړ مهمو موضوعاتو بحث او خبري اتري وکړي چې پکې د علمي معاونیت د کاري پلان تائیدي، د اقتصاد پوهنځي د تحصلي نصاب موضوع یاداوري او د هغو تائيدي، د عامه ادارې او پالیسي پوهنځي لپاره د راتلونکي کال لپاره د محصلینو د جذب، د شرعیاتو، کرني او ژبو او ادبیاتو پوهنځیو د ستراتیژیکو پلانونو تائیدي، د څېړنو او علمي مجلې معاونیت د کاري پلان او نورو کړنلارو تائیدي، او د څانګو د آمرینو له لوري د شریک شویو ستونزو د حل لپاره د تصمیم نیول، او د ازموینو د عمومي کمېټې له لوري د ازموینو د فرعي کمېټې پایلي شریکي او تائید شوې. او دارنګه د نظم ډسیپلین کمېټې ته دنده وسپارل شوه چې د صنفونو ال سي ډي جوړي او منظمي کړي او ترڅنګ یې د ۱۴۰۴ ه.ش کال لپاره د وړاندیز شوي بودجې تائیدي وشوه.
غونډه د دعایې په ویلو پای ته ورسېده.
د نشراتو او عامه اړیکو عمومي مدیریت
