د غزني پوهنتون د شپږو پوهنځیو لپاره نوي معاونین د یو لړ ځانګړو مراسمو په ترڅ کې معرفي او رسماً یې په دندو پیل وکړ.
ورځ :سه شنبه
۴ فبروري ۲۰۲۵
شعبان المعظم ۵مه، ۱۴۴۶ هـ.ق
سلواغې ۱۶مه، ۱۴۰۳ هـ.ش
نن ورځ د غزني پوهنتون د علمي چارو مرستیال مولوي محمد حیدر حمزه له لوري د یاد پوهنتون د شپږو پوهنځیو لپاره نوي معاونین د یو لړ ځانګړو مراسمو په ترڅ کې معرفي او رسماً یې په خپلو دندو پیل وکړ.
په دغو مراسمو کې د غزني پوهنتون د علمي چارو مرستیال، مولوي محمد حیدر حمزه، د پوهنځیو رئیسانو او استادانو ګډون درلود. د مراسمو پرانیسته د قران کریم د مبارکو آیتونو په تلاوت وشوه.
ورپسې، ښاغلي حمزه، نويو ټاکل شویو معاونینو ته د مبارکۍ تر څنګ وویل: تاسو د هېواد معنوي پانګه یاست. د خپلې دندې د لا ښه ترسره کولو لپاره باید له اخلاص، صداقت او پوره ژمنتیا څخه کار واخلئ. او خپلي چاري د یو منظم پلان له مخې ترسره کړئ. او د دغه علمي نهاد د لا قوي کولو لپاره باید په هر وخت کې هر ډول علمي کارونو ته چمتو واوسئ.
په دې مراسمو کې د پوهنځیو لپاره لاندي ذکر شوي معاونین معرفي او رسماً یې خپلي چاري پیل کړې د کرني پوهنځي لپاره پوهینار سیدالرحمن صمیمي د ژبو او ادبیاتو پوهنځي لپاره پوهنیار زلمی سمسور،
د اقتصاد پوهنځي لپاره پوهنمل احسان الله سعید او
د کمپیوټر ساینس پوهنځي لپاره پوهنیار فرید احمد،
د شرعیاتو پوهنځي لپاره پوهنمل سید صبغت الله ابراهیمي د ښوونې او روزنې پوهنځي لپاره پوهنمل محمد شریف، په ورته وخت کې دغو معاونینو ژمنه وکړه چې ورسپارل شوي الهي مسؤلیتونه به په ښه او منظمه توګ مخته وړي، او د یاد پوهنتون د علمي چارو د لا پیاوړتیا لپاره شپه او ورځ اماده دي.
ټاکل شوې چې نوي معاونین به له علمي او اداري پلوه د خپلو پوهنځیو د لا پرمختګ لپاره هڅې وکړي.
د نشراتو او عامه اړیکو عمومي مدیریت
