د غزني پوهنتون د دعوت او ارشاد کمېټې نوبتي ناسته ترسره او په یو شمېر مهمو موضوعاتو بحث او په اړوند یې لازمي پریکړي وشوې.
قمري نېټه: محرم الحرام ۱۰، ۱۴۴۶ هـ.ق
لمريز نېټه: سرطان ۱۵، ۱۴۰۴ هـ.ش
مېلادي نېټه: جولای ۶، ۲۰۲۵م
د غزني پوهنتون د دعوت او ارشاد کمېټې نوبتي ناسته د دغي کمېټې د ټولو غړو په شتون کې د دیني، اخلاقي او فرهنګي ارزښتونو د پیاوړتیا په موخه ترسره شوه.
ناسته د قران کریم په مبارکو آیتونو سره پیل شوه، چې وروسته د دعوت او ارشاد آمریت آمر مولوي نقیب احمد منذر د ناستې اجنډا وړاندې کړه. نوموړي د تیرې اجنډا د پریکړو او ترسره شویو فعالیتونو لنډ راپور وړاندې کړ او د دعوتي چارو د لا اغېزمنتیا لپاره یې ارزښتناک نظریات شریک کړل.
دارنګه د نوي اجنډا مطابق د محصلینو تر منځ د دیني شعور لوړولو موضوعاتو سربیره په ځینو متفرقه مسائلو هر اړخیز بحث وشو. ګډونوالو وړاندیزونه وکړل چې د دعوتي درسونو دوامداره لړۍ، علمي حلقې او د دیني پوهاوي خپرونې باید لا پراخې شي.
د غونډې په پای کې د راتلونکو دیني فعالیتونو لپاره تفصیلي پلان ترتیب شو، او پرېکړه وشوه چې د پوهنتون په دننه کې به د معنوي ارزښتونو د پیاوړتیا لپاره لا زیات اقدامات ترسره کېږي.
د نشراتو او عامه اړیکو عمومي مدیریت
