د غزني پوهنتون د دعوت او ارشاد آمریت د علمي او اصلاحي سمینارونو په دوام د یاد پوهنتون استادانو ته د تکبر ( لويې) په پیژندنه، د تکبر په بدوالي، نښو او علایمو تر سرلیک لاندي یو ورځنی سمینار وړاندي شو.
دوشنبه : ۲۵/ربیع الثاني/۱۴۴۶ه.ق
۷/عقرب/۱۴۰۳ه.ش
۲۸/اکټوبر/۲۰۲۴م
نن ورځ د غزني پوهنتون استادانو ته د دغه پوهنتون د دعوت او ارشاد آمریت له لوري د علمي او اصلاحي سمینارونو په دوام د تکبر ( لویې) په پیژندنه، بدوالي او د تکبر په نښو او علایمو تر سرلیک لاندي یو ورځنی سمینار وړاندي شو. دغه سمینار چې د پوهنتون د غونډو په تالار کې جوړ شوي وو پکې د ټولو استادانو په ګډون سره د شرعیاتو پوهنځي د اسلامي ثقافت څانګي آمر مولوي شیرعلي حیدري له لوري استادانو ته د تکبر په پېژندنه، د تکبر په بدوالي، نښو او علایمو او تکبر اړوند معلومات وړاندي کړل چې استادانو له درسي بهیر څخه په خوښي سره د موضوع اړوند پوښتني وکړې او په اخیر کې د دوی پوښتنو د ځوابونو په ویلو سره سمینار د دعایې په ویلو سره پای ته ورسېدل.
د نشراتو او عامه اړیکو عمومي مدیریت
