د غزني پوهنتون د اقتصاد پوهنځي د اجرائیه مدیریت لپاره ښاغلی محمد عادل منیب معرفي او په دنده یې پیل وکړ.
چهارشنبه: ۶/ربیع الثاني/۱۴۴۶ه.ق
۱۸/مېزان/۱۴۰۳ه.ش
۹/اکټوبر/۲۰۲۴م
د غزني پوهنتون د اقتصاد پوهنځي د خپلو کارونو د چټکتیا او لا ښه والي او د یاد پوهنځي په کارونو کې د خنډ او ځنډ د مخنیوي په موخه د خپل اجرائیه مدیریت لپاره ښاغلی محمد عادل منیب د پوهنتون د مالي او اداري چارو مرستیال مولوي محمد جاوید خالد او د اقتصاد پوهنځی رئیس پوهنمل وحیدالله امین او د ياد پوهنځي د څو تنو استادانو له لوري نن ورځ رسماً معرفي او په دنده یې پیل وکړ، د دغه مدیر د معرفت پر مهال د یاد پوهنځي رئیس ښاغلي امین دغه مدیر ته د مبارکي ترڅنګ په خپلو چارو کې له الله ج نه د بریا غوښتنه وکړه او ورسپارل شوي مسؤلیت یې یو دروند پېټی یاد کړ او غوښتنه یې ورڅخه وکړه چې باید خپل کارونه له پلان سره سم مخته یوسي او د پوهنتون او یاد پوهنځي د ترقۍ او ودي لپاره لا نور کار وکړي همدارنګه د مالي او اداري چارو مرستیال ښاغلي خالد هم دغه مدیر ته د مبارکي ترڅنګ په کارونو کې د لا بریالیتوبونو غوښتنه وکړه او ورسپارل شوي مسؤلیت یې یو لوی مسؤلیت یاد کړ او ویې ویل چې باید دغه مسؤلیت یو خدایې مسؤلیت وبولو او هره کړنه باید د پاک نیت او اخلاص له مخي ترسره کړو.
د نشراتو او عامه اړیکو عمومي مدیریت
