د غزني پوهنتون دوو تنو استادانو د نشهيي توکو پر وړاندې د مبارزې مدیریت کارکوونکو او روانشناسانو ته د ظرفیت لوړونې پنځه ورځنی سمینار وړاندې کړ.
د غزني پوهنتون د ښوونې او روزنې پوهنځي دوو تنو استادانو ښاغلي پوهنمل حبیب الله پائیز او نوماند پوهنیار عبدالسلام احمدزي د غزني ولایت د امنیه قومنداني اړوند د نشهيي توکو پر وړاندې د مبارزې مدیریت کارکوونکو او اړوندو روانشناسانو ته د ظرفیت لوړونې په موخه پنځه ورځنی روزنیز سمینار ترسره کړ.
د دغه سمینار موخه د نشهيي توکو د مخنیوي، درملنې او ټولنیزې بېرته راګرځونې په برخه کې د عملي او علمي ظرفیتونو پیاوړتیا وه.
په یاد پنځه ورځني سمینار کې ګډونوالو ته د رواني درملنې نوې لارې، د معتادینو د بېرته راګرځولو میتودونه، د ټولنیز پوهاوي د لوړولو لارې چارې، او د مخدره توکو د خطرونو د ارزونې علمي میتودونه ور وپېژندل شول.
ګډونوالو د سمینار له محتوا خوښي وښوده او ویې ویل چې د روزنې له لارې یې عملي مهارتونه ترلاسه کړل چې په راتلونکې کې به د اعتیاد پر وړاندې د مبارزې په برخه کې ترې ګټه واخلي.
د نشراتو او عامه اړیکو عمومي مدیریت
نېټه: چهارشنبه
۱۴۴۷هـ.ق، د شعبان ۲۳ مه
۱۴۰۴هـ.ش، د دلوې ۲۲ مه
۲۰۲۶م، د فبروري ۱۱ مه
