د غزني پوهنتون استادانو ته د نفس پاکوالي او د نفس اصلاح په اهمیت او ارزښت تر سرلیک لاندې سیمینار وړاندې شو.
نېټې او ورځ: چهارشنبه
هجري قمري: ۹/جمادیالاول/۱۴۴۶
هجري شمسي: ۲۱/قوس/۱۴۰۳
میلادي: ۱۱/دسمبر/۲۰۲۴
تېره ورځ د غزني پوهنتون استادانو ته د اصلاحي او عقیدوي درسونو په دوام د دعوت او ارشاد آمریت له لوري د نفس پاکوالي او د نفس اصلاح په اهمیت او ارزښت تر سرلیک لاندې سیمینار وړاندې شو. دغه سیمینار چې د پوهنتون د غونډو په تالار کې ترسره شو، د پوهنتون د دعوت ارشاد آمریت آمر، مولوي نقیب احمد منذر، له لوري استادانو ته د نفس پاکوالي او د نفس اصلاح په اړه هر اړخیز علمي معلومات وړاندې شول.
مولوي نقیب احمد منذر زیاته کړه چې موږ او تاسو باید د خپلو نفسونو ساتنه وکړو، ځکه چې د نفس پاکوالی او اصلاح انسان ته معنوي ځواک او مثبت بدلون ورکوي.
د دغه سیمینار هدف د استادانو لپاره د روحانیت او اخلاقو په برخه کې د پوهې لوړول وو، ترڅو هغوی وکولی شي د خپلې پوهې او تجربې له لارې خپلو زده کوونکو ته هم دغه مهم پیغام ورکړي.
د نشراتو او عامه اړیکو عمومي مدیریت
