غزني پوهنتون کې دری ورځنی دیني او اصلاحي سمینار د اتفاق او اتحاد اهمیت او د تعصب زیانونه د موضوعاتو په تشریح سره پای ته ورسېد.
غزني پوهنتون کې د لوړو زده کړو وزارت د رسمي هدایت په اساس د دعوت او ارشاد آمریت له لوري پیل شوی درځنی دیني او اصلاحي سمینار نن ورځ پای ته ورسید.
په دغه دری ورځني دیني او اصلاحي سمینار کې د غزني پوهنتون د رهبري مسؤلینو، استادانو او کارکوونکو ترڅنګ د خاتم النبیین او مسلم خصوصي پوهنتونونو مسؤلینو، استادانو او کارکوونکو هم ګډون کړی وو. چي پرمهال د لومړۍ او دوهمې ورځي په څېر نن ورځ هم ټاکل شوي څلور موضوعات د بېلابیلو شیوکرامو له لوري وړاندې شول، چې لومړۍ موضوع د مسؤلیت احساس، امانتداري او د خیانت مذمت د مولوي صاحب عبدالغفور له لوري او دوهمه موضوع د استاد مقام او د محصلینو او نظام پر وړاندې یې مسؤلیت د مفتي صاحب فدامحمد له لوري او دریمه موضوع د جهاد فضائل او اهمیت او د مسمانانو د ضعف اسباب د مولوي صاحب محمد حیدر حمزه؛ او څلورمه موضوع د اتفاق او اتحاد اهمیت او د تعصب زیانونه د مولوي صاحب قدرت الله منصور له لوري وړاندې شول.
د سمینار په بریالي پای ته رسېدو سره د غزني پوهنتون عمومي رئیس شیخ مولوي عبدالمالک محسن خوښي څرګنده کړه او له ټولو ګډونوالو او شیوخو کرامو څخه یې د فعاله ګډون مننه وکړه او زیاته یې کړه چې یاد دری ورځني دیني او اصلاحي سمینار ډیر ډیر مؤثر او هره موضوع یې د انتخاب شوو علماوو او شیوکرامو له لوري په منظم ډول تشریح شوه.
سمینار په دعای خیر سره پای ته ورسید.
د نشراتو او عامه اړیکو عمومي مدیریت
شنبه ، ۲۷ رجب المرجب ۱۴۴۷ هـ.ق— ۲۷ جدې۱۴۰۴هـ ش
