غزني پوهنتون کې محصلینو ته د دیني او عقیدوي پوهي د پیاوړتیا په موخه د قرآنکریم د ژباړې او اصلاحي درسونو د تدریس لړۍ پیل شوه.
غزني پوهنتون کې د دعوت او ارشاد آمریت له لوري په لیلیه کې مېشتو محصلینو ته د دیني او عقیدوي پوهي د پیاوړتیا په موخه د قرآنکریم د ژباړې او اصلاحي درسونو د تدریس لړۍ پیل شوه.
د دغو درسونو د پیل پرمهال د دعوت او ارشاد آمر مولوي رحمت الله خلیل وویل چې دغه درسي پروګرام يې د تېري اونۍ د شنبې پر ورځ پیل کړ چې پرمهال يې محصلینو ته د سهار له لمانځه وروسته د اونۍ په دریو ورځو کې د قرآنکريم ژباړه او دریو نورو ورځو کې ورته د ټاکل شوي نصاب تدریس ترسره کیږي.
بلخوا یو شمېر محصلینو هم د یادو درسونو د پیل هرکلی کړی او ویلي یې دي چې دا ډول پروګرامونه د دوی د فکري ودې او اخلاقي سمون لپاره ګټور دي.
د نشراتو او عامه اړیکو عمومي مدیریت
نېټه: یکشنبه
۱۴۴۷هـ.ق، شوال المکرم ١٨ مه
۱۴۰۵هـ.ش، حمل ۱۷ مه
۲۰۲۶م، اپریل ٥ مه
