د غزني پوهنتون د محصلانو چارو معاونیت لپاره نوی معاون معرفي او رسماً یې خپله دنده پیل کړه.
قمري نېټه: محرم الحرام ۱۰، ۱۴۴۶ هـ.ق
لمريز نېټه: سرطان ۱۵، ۱۴۰۴ هـ.ش
مېلادي نېټه: جولای ۶، ۲۰۲۵م
د لوړو زدهکړو محترم وزارت د حکم پر اساس، مفتي صاحب عزتالله نوري د غزني پوهنتون د محصلانو چارو د نوي معاون په توګه معرفي او رسماً یې خپله دنده پیل کړه.
د ښاغلي نوري د پېژندنې د مراسمو پرمهال د پوهنتون عمومي رئیس الحاج مولوي عبدالواسع منصور مفتي صاحب عزتالله نوري ته د ښه راغلاست او مبارکي ترڅنګ د هغه د علمي، اداري او ټولنیزو تجربو یادونه وکړه او څرګنده یې کړه چې د محصلانو چارو په برخه کې د نوموړي معرفي به د پوهنتون د تحصیلي، انضباطي او خدماتي چارو د لا ښه تنظیم سبب شي. ښاغلي منصور زیاته کړه: "باور لرو چې محترم مفتي نوري به د محصلانو ستونزو ته مسؤلانه، پر وخت او اغېزمن ځواب ووایي."
ورپسې مفتي صاحب عزتالله نوري د وینا پر مهال د سپېڅلي مسؤلیت د ترسره کولو ژمنه تازه کړه او څرګنده یې کړه چې د محصلانو د علمي، اخلاقي او انضباطي ملاتړ تر څنګ به د هغوی ستونزو ته اساسي حل لارې ولټوي. او هڅه به کوي چې د پوهنتون او محصل ترمنځ همغږي لا زیاته شي او د خدمت یو نوې فضا رامنځته شي.
د یادونې وړ ده چې تېره ورځ د مالي او اداري چارو معاونیت لپاره ښاغلی پوهندوی مفتي صاحب عزت نور معرفي او خپله دنده یې په رسمي ډول پیل کړه.
د نشراتو او عامه اړیکو عمومي مدیریت
