مالی او اداری چاری معاونیت

.د شاه رضا «محمدي» لنډه پیژندګلوي:

 

شاه رضا «محمدي» د علي رضا «یوسفي» زوی، په ۱۳۶۲هـ لمریز کال د جغتو ولسوالۍ د «شاخه جلیل ګلبوري» کلي په یوه مؤمنه او دین پاله کورنۍ کې زیږېدلی دی. د ښوونځي زده کړې یې د ګلبوري سیمې د «البروني جرمتو» په عالي لیسه کې سر ته رسولې او په ۱۳۸۶هـ ل کال یې د کابل پوهنتون له اقتصاد پوهنځي څخه د لېسانس بریلیک تر لاسه کړی دی.

د ۱۳۸۷هـ کال له پیله د آزادې سیالۍ له لارې د غزني ولایت په پوهنې ریاست کې د مالي مسئول په توګه ټاکل شوی دی. څرنګه چې دغه دنده قراردادي وه او نړیوال بانک تمویلوله، له همدې امله د دغې برنامې تر پای ته رسیدو ( ۲۰/ ۹/ ۱۳۹۱هـ ل ) نیټې پورې په یاد ریاست کې په دنده بوخت و.

له دې وروسته د رقابتي ازموینې په پایله کې د جغتو ولسوالۍ اړونده ښوونځیو کې د پوهنیز ظرفیت لوړونې په چارو کې د ټولنیز کارمند په توګه له ۱۳۹۲هـ کال نه تر ۱۳۹۴هـ کال پورې  په خدمت بوخت و. د دغې دندې د قرارداد تر پوره کېدو وروسته یې څه موده د خصوصي سکتور په برخه کې کار کړی دی.

 له ۱۳۹۵هـ کال نه تر ۱۳۹۷هـ کال پورې یو ځل بیا د پوهنې وزارت د سواد زده کړو معنیت په چوکاټ کې د یونسکو له خوا تمولیدونکې برنامي سره، چې په افغانستان کې د سواد کچې د لوړاوي تر څنګ یې د یو شمېر حرفو لکه خیاطۍ، د شاتو مچیو روزنې، چرګانو روزنې او لبنیاتو د پروسس ښوونې په برخه کې ماموریت پر مخ ووړ ، د غزني ولایت د پوهنې ریاست تر چتر لاندې د څلورو ولسوالیو «مرکز، قره باغ، جغتو او جاغوري» لپاره د یادې برنامې د مسئول په توګه  دنده ترسره کړې ده.

د غزني د پوهنې ریاست په مالي او اداري معاونیت کې د تغیراتو او بدلونونو په راتګ سره  او دا چې د یاد ریاست مالي او اداري مرستیال په مالیاتي او اداري برخه کې پوره تجربه نه درلوده، له همدې امله د غزني پوهنې ریاست، له لوري ښاغلی محمدي په مالي او اداري چارو کې د کارپوه په توګه په دنده وګمارل شو، تر ۱۳۹۷هـ ل کال پورې په دغې دنده کې پاتې شو.

له دې وروسته د آزادې سیالۍ له لارې د جمهوري ریاست د «۹۱» شمېرې حکم پر اساس په ۸/۱/ ۱۳۹۸هـ ل کال، په دویم بست کې د غزني پوهنتون مالي او اداري مرستیال وټاکل شو، چې د همدغه کال د وري میاشتې په ۲۴مه رسماً معرفي  او دا مهال د خپلې دندې د لایحې مطابق ور سپارل شوې چارې ترسره کوي.

والسلام علی منتبع الهدی