غزني پوهنتون کې د دعوت او ارشاد عمومي کمېټې ناسته ترسره شوه.
غزني پوهنتون کې د دعوت او ارشاد کمېټې نوبتي ناسته د دغه پوهنتون د عمومي رئیس په مشرۍ او ټولو غړو په شتون کې ترسره شوه.
په غونډه کې د کمېټې مشر د تېرې میاشتې د فعالیتونو راپور وړاندې کړ او د مثبتو لاسته راوړنو ترڅنګ یې د ځینو موجوده ستونزو یادونه هم وکړه. د غونډې ګډونوالو د اسلامي ارزښتونو د پیاوړتیا، د محصلینو د فکري روزنې، د اخلاقي اصولو د پراختیا او د سالمې علمي فضا د ساتلو په موخه د همغږۍ پر اړتیا ټینګار وکړ.
همدارنګه، په غونډه کې د راتلونکو تعلیمي او ارشادي پروګرامونو پلان وړاندې شو چې له مخې به د پوهنتون په بېلابېلو پوهنځیو کې وعظي غونډې، علمي ناستې او د محصلینو لپاره د مثبتو فرهنګي فعالیتونو تنظیم او پیاوړتیا ادامه ومومي.
د غونډې په پای کې د کمېټې مشر له ټولو غړو مننه وکړه او هیله یې څرګنده کړه چې د ګډ کار، همغږۍ او هڅو په مټ به د پوهنتون علمي، اخلاقي او فرهنګي فضا لا نوره هم پیاوړې شي.
د نشراتو او عامه اړیکو عمومي مدیریت
پنج شنبه ، ۶ جمادی الثانی ۱۴۴۷ هـ.ق— ۶ قوس ۱۴۰۴ هـ.ش
