د غزني پوهنتون عمومي رئیس شیخ مولوي عبدالمالک محسن د دغه پوهنتون د رهبري له مسؤلینو سره د پېژندنې او د ادارې د لا ښې همکاري په موخه ناسته ترسره کړه
نن ورځ د غزني پوهنتون عمومي رئیس شیخ عبدالمالک محسن د یاد پوهنتون د څلورګونو معاونیتونو له معاونینو او د پوهنځیو له رئیسانو سره د پېژندنې او ادارې د لا ښې همکارۍ، انسجام او د کیفیت د لوړولو په موخه د همغږۍ ځانګړې ناسته ترسره کړه.
د دغي ناستې پر مهال شیخ صاحب د پېژندنې ترڅنګ د مسؤلیت اړوند خبري وکړې او ویې ویل چې باید ټول مسؤلین په خپله برخه کې له ټولو ماتحت کارکوونکو سره یو رقم چلند وکړي، او دارنګه عاجزي کول او له تکبر، بد ګماني څخه ځانونه وساتي او د امیرالمؤمنین حفظه الله تعالی ورعاه د فرامین، احکام پریکړې لومړی په خپلو ځانونو عملي کړي او له مسؤلینو يې غوښتنه وکړه چې د وظیفوي تداخل مخنیوی وکړي او د پوهنتون ټولي چارې په شې همغږۍ مخته یو سي؛ او د بیت المال څخه په ښه ټوګه ساتنه وکړي.
د نشراتو او عامه اړیکو عمومي مدیریت
چهارشنبه ، ۵ جمادی الثانی ۱۴۴۷ هـ.ق— ۵ قوس ۱۴۰۴ هـ.ش
