د غزني پوهنتون د علمي چارو مرستیال د پوهنځیو د څانګو له آمرینو سره ناسته وکړه؛ چې د هغوی له لوري د خپلو کړنو او لاسته راوړنو راپورونه ورسره شریک شول.
نېټې او ورځ: چهارشنبه
هجري قمري: ۳۰ جمادیالثاني ۱۴۴۶
هجري شمسي: ۱۲ جدی ۱۴۰۳
میلادي: ۱ جنوري ۲۰۲۵
تېره ورځ وروسته له غرمې د غزني پوهنتون د علمي چارو مرستیال مولوي محمد حیدر حمزه د پوهنتون د ټولو څانګو له آمرینو سره ځانګړې ناسته ترسره کړه.
ناسته د قران کریم د مبارکو آیتونو په تلاوت سره پیل شوه. ورپسې د علمي چارو مرستیال ښاغلي حمزه ګډونوالو ته د ښه راغلاست تر څنګ د دوی د ونډې ستاینه وکړه. نوموړي وویل:
"تاسو د پوهنتون مرکزي هسته یاست، چې د استادانو او محصلینو د پوهنځیو کړنو په اړه معلومات راکوئ او د پوهنتون د پرمختګ لپاره بنسټیز رول لرئ."
د غونډې په جریان کې، د ټولو څانګو آمرینو په نوبت سره خپلې کړنې او لاسته راوړني لکه د کلنیو، عملیاتي او ربعوارو پلانونو تطبیق، د پوهنځيو د علمي چارو پر وخت ترسره کول او د محصلانو ستونزو ته پر وخت رسېدنه او یو شمېر نور علمي پرمختګونه ورسره شریک کړل.
او همدارنګه یې د ناستي په ترڅ کې د راتلونکي لپاره د ځینو نورو علمي چارو د ترسره کولو غوښتنه یې وکړه، چې د استادانو لپاره د سیمینارونو دائرول. او د موجوده خالي بستونو اعلان ته سپارل او ډکول، د ادارې چارو لپاره د اړتیا وړ وسایلو تهیه کول، د کتابتونو معیاري کول او غني کول، د محصلینو لپاره د عملي زده کړو لپاره د منظمي برنامې ترتیب او د علمي څېړنو لپاره زمینه برابرول، ترڅو د ټولنې لپاره ګټورې وي.
د علمي چارو مرستیال د یادو ستونزو په اورېدو سره د هغو د ژر حل ډاډ ورکړ.
ناسته د دعا په ویلو سره پای ته ورسېده.
د نشراتو او عامه اړیکو عمومي مدیریت
