غزني پوهنتون کې د علمي شورا نوبتي ناسته ترسره؛ او د یوې غیر فارغ ورکوونکې څانګې د ایجاد ترڅنګ په یو لړ نورو مهمو موضوعاتو بحث او لازمي پریکړې ترسره شوې.

غزني پوهنتون کې د علمي شورا نوبتي ناسته، د عمومي رئیس شیخ مولوي عبدالمالک محسن په مشرۍ او  ټولو غړو په ګډون ترسره شوه؛ چې پکې د ښوونې او روزنې پوهنځي په چوکاټ کې د ارواپوهنې غیر فارغ ورکوونکې څانګې د ایجاد ترڅنګ، په یو شمېر مهمو موضوعاتو بحث او لازمي پریکړي ترسره شوې.
د ناستې پیل د قرآن عظیم الشآن د مبارکو آیتونو په تلاوت سره وشو.
ورپسې عمومي رئیس د شورا او مشورې په اهمیت خبري وکړې او زیاته یې کړه چې خپل منځي ناستې او په کارونو کې مشورې د یوې ادارې د پیاوړتیا او پرمختګ سبب کیږي چې له دې سره ټول نظام پیاوړی او قوي کیږي.
وروسته د تیري علمي شورا پریکړو ته لنډه کتنه وشوه؛ او همداراز د نوي اجنډا مطابق، د پوهنتون د ریاست مقام د ۱۴۰۵هـ ش کال د کاري پلان د تائیدي ترڅنګ د معاونیتونو او پوهنځیو د عملیاتي، کاري او تطبیقي پلانونو تائیدي، د ځینو کمېټو د غړو د نوملړونو تائیدي او د ښوونې او روزنې پوهنځي په چوکاټ کې د ارواپوهنې غیر فارغ ورکوونکې څانګې د ایجاد ترڅنګ په یوشمېر مهمو او متفرقه موضوعاتو بحث او لازمې پریکړي ترسره شوې.

د نشراتو او عامه اړیکو عمومي مدیریت
نېټه: یکشنبه
۱۴۴۷هـ.ق، ذوالقعدة الحرام ۲ مه 
۱۴۰۵هـ.ش، حمل ۳۰ مه
۲۰۲۶م، اپریل ۱۹ مه