غزني پوهنتون کې د رهبري شورا ناسته ترسره او د لیلیې د محصلینو لپاره د صحي خدماتو د اماده کولو ترڅنګ په یو لړ مهمو موضوعاتو بحث او لازمي پریکړې ترسره شوې.
د غزني پوهنتون رهبري شورا فوقالعاده ناسته د پوهنتون د عمومي رئیس شیخ مولوي عبدالمالک محسن په مشرۍ او د ټولو غړو په شتون کې ترسره شوه؛ چې پکې د محصلینو د هوساینې، تدریسي چارو د پیاوړتیا او اداري خدمتونو د تنظیم په ګډون پر ګڼو مهمو موضوعاتو د بحث ترڅنګ لازمي پرېکړې ترسره شوې.
د ناستې پیل د قرآن کریم د مبارکو آیتونو په تلاوت سره وشو.
وروسته ښاغلي محسن د ناستې ګډونوالو ته د ښه راغلاست ویلو ترڅنګ د قرآني آیت په ذکر کولو سره په چارو کې د مشورې کولو او د کارونو په ترسره کولو کې د همغږۍ اړوند خبري وکړې. او دارنګه یې د تیري رهبري شورا پریکړو ته د اطمینان د حاصیلېدو په موخه لنډه کتنه وکړه.
وروسته د نوي اجنډا سره سم د پوهنتون د دروزاې د لوحې د لوړو زده کړو وزارت د تائید شوي چوکاټ په اساس ترتیبول، د کارکوونکو لپاره د ترانسپورتي خدماتو برابرولو، په لیلیه کې د مېشت محصلینو لپاره د صحي خدماتو برابرولو ترڅنګ په یو شمېر نورو مهمو متفرقه موضوعاتو د بحث ترڅنګ لازمي پریکړي ترسره شوې.
ناسته د دعا په ویلو سره پای ته ورسېده.
د نشراتو او عامه اړیکو عمومي مدیریت
چهارشنبه ، ۱۲ جمادی الثاني ۱۴۴۷ هـ.ق— ۱۲ قوس۱۴۰۴ه ش
