غزني پوهنتون څخه د اوبو او انرژۍ ریاست د رئیس په مشرۍ یوه تخنیکي پلاوي د باراني او سیلابي اوبو د مخنیوي په موخه لیدنه ترسره کړه.
غزني پوهنتون ته د اوبو او انرژۍ ریاست د رئیس الحاج مولوي محمد شفیق عمر منصور په مشرۍ یوه تخنیکي پلاوی چې پکي د ښاروالي ریاست استازي، د ټولګټو چارو ریاست استازي شامل وو؛ د باراني او سیلابي اوبو د مخنیوي او دغو اوبو ته د اساسي حللارې موندنې په موخه د پوهنتون د مالي او اداري چارو د مرستیال الحاج شیخ عبدالهادي ذوالهادي او د علمي چارو د مرستیال مولوي محمد حیدر حمزه په ملتیا د پوهنتون له ټولې ساحې څخه لیدنه وکړه.
د لیدنې پر مهال پلاوي د پوهنتون د سیلابونو د مخنیوي ارزونې، د اوبو د مدیریت سیستم له نږدې څخه وڅېړل. او ډاډ یې څرګند کړ چې د دغي ستونزي د دایمي هواري په موخه به له اړوندو اداراتو او موسیساتو سره په ګډه همغږي او همکاري اساسي کار وکړي څو غزني پوهنتون له یادي ستونزي د تل لپاره خلاص شي.
د نشراتو او عامه اړیکو عمومي مدیریت
دوشنبه ، ۱ رجب المرجب ۱۴۴۷ هـ.ق— ۱ جدې۱۴۰۴هـ ش
