غزني پوهنتون د محصلینو د اسلامي بیداري او فکري اصلاح په موخه له شاو خوا ۵۰۰ تنه محصلینو څخه د نبوي سیرت آزموینه واخیستله.
چهارشنبه: ۱۳/ربیع الثاني/۱۴۴۶ه.ق ۲۵/مېزان/۱۴۰۳ه.ش ۱۶/اکټوبر/۲۰۲۴م نن ورځ د غزني پوهنتون د محصلانو چارو معاونیت له لوري د دغه پوهنتون د محصلینو د اسلامي بیداري او فکري اصلاح په موخه له شاو خوا ۵۰۰ تنه محصلینو څخه د نبوي سیرت آزموینه واخیستله. د آزمویني د پیل پرمهال د یاد پوهنتون د محصلانو چارو مرستیال انجینر محمد عثمان منیب د آزمویني ګډونوالو ته د خبرو پرمهال وویل چې له دې ډول آزموینو څخه یې موخه او هدف د محصلینو د خپلو درسونو ترڅنګ د دوی اسلامي بیداري، فکري اصلاح، عقیدوي او علمي پرمختګ ده او زیاته یې کړه چې غواړي نوري دیته ورته برنامې او سیالۍ هم د پوهنتون په سطحه ترسره کړي او ګډونوالو ته یې ډاډ ورکړ چې آزموینه به په پوره شفافیت اخیستله کیږي او پایلي به یې په راتلونکو څو ورځو کې اعلان او ممتازو او د لوړو نمرو اخیستونکو ته به ډالۍ ورکړل شي هیره دي نه وي چې غزني پوهنتون د امارت پیژندني فکري سیالۍ هم په لاره اچولي وه چې د لوړو نمرو اخیستونکي یې په ډالیو ونازول شول. د نشراتو او عامه اړیکو عمومي مدیریت
