غزني پوهنتون د تدارکاتي چارو او مالي نظم په برخه کې د غوره کړنو له امله د یاد ولایت د مستوفیت ریاست له لوري د یوې شانداره غونډې په ترڅ کې د ستاینلیک په ورکړه وستایل شو.

د غزني پوهنتون د عمومي رئیس شیخ مولوي عبدالمالک محسن د منظمې رهبرۍ او د مالي او اداري چارو معاونیت د نه ستړي کیدونکو هڅو په نتېجه کې پوهنتون د تدارکاتي چارو د پر وخت ترسره کولو، مالي نظم، د مستوفیت له لوري د ورکړل شوي مالي هدف پر وخت پوره کولو او په دغه برخه کې د غوره کړنو له امله د مستوفیت ریاست له لوري د یوې شانداره او باوقاره غونډې په ترڅ کې د ستاینلیک په ورکړه وستایل شو.
یاده غونډه چې د ولایت مقام د غونډو په تالار کې جوړه شوي وه؛ پکي د ولایت مقام د مسؤلینو ترڅنګ د غزني ولایت د بېلابیلو ادارو استازو او د غزني پوهنتون پلاوي هم ګډون کړی وو.
د یادې غونډې پرمهال د ولایتې ادارې مسؤلینو او د مستوفیت ریاست رئیس د غزني پوهنتون هڅې او لاسته راوړنې وستایلې او د عوایدو د مدیریت په برخه کې یې د شفافیت او همغږۍ ستاینه وکړه.
د مستوفیت ریاست رئيس په خپلو خبرو کې وویل، چې غزني پوهنتون د عوایدو د تنظیم، راټولولو او د مالي اصولو د مراعتولو په برخه کې د پام وړ پرمختګ کړی او د نورو ادارو لپاره یې یو ښه مثال وړاندې کړی دی.
د غزني پوهنتون مسؤلینو د یاد ستاینلیک د ترلاسه کولو له امله خوښي څرګنده کړه او زیاته یې کړه چې پوهنتون به د مالي شفافیت، حساب ورکونې او د عوایدو د ښه مدیریت په برخه کې خپلې هڅې لا نورې هم پیاوړې کړي.

د غونډې په پای کې د غزني پوهنتون استازي ته د مستوفیت ریاست له لوري د قدردانۍ ستاینلیک وسپارل شو او د ادارې د هڅو ستاینه یې وشوه.

د نشراتو او عامه اړیکو عمومي مدیریت
نېټه: سه شنبه
۱۴۴۷هـ.ق، رمضان المبارک ٢١ مه
۱۴۰۴هـ.ش، حوت ١٩ مه
۲۰۲۶م، مارچ ١٠ مه