د غزني پوهنتون (۴۸) تنو خدماتي کارکوونکو ته ژمني توکي یا البسه وویشل شوه.
ورځ: سه شنبه
نېټه:
١۴۴۶ هـ ق، د رجب ۱۳
۱۴۰۳ هـ ش، د جدی ۲۶
۲۰۲۵ م، د جنورۍ ۱۴
د غزني پوهنتون (۴۸) تنو خدماتي کارکوونکو ته ژمني توکي یا البسه وویشل شوه. دغه د وېش لړۍ د یاد پوهنتون د مالي او اداري چارو مرستیال مولوی محمد جاوید خالد په ګډون د یاد پوهنتون د حفظ او مراقبت مدیریت لخوا تنظیم شوي.
ښاغلي خالد کارمندانو ته د دې توکو د ترلاسه کولو مبارکي ورکړه او مننه یې ترې وکړه چې د ژمي په یخو ورځو کې خپل ورځني کارونه په صادقانه ډول ترسره کوي.
کارمندانو د پوهنتون له رهبرۍ خوښي څرګنده کړه او مننه یې وکړه چې په وخت د دوی غوښتنو ته رسیدګي کوي.
په دغو ژمنیو توکو ټولټال (١٧٦٠٠٠) افغانۍ لګښت راغلی وو، چې په کې د هر کارمند لپاره د ( ۳۵۰۰ ) افغانیو په ارزښت یوه جوړه کالي، يوه جوړه بوټونه، يوه کورتۍ، دستکش او جرابي شامل وو.
دغه د توزیع پروسه د خدماتي کارمندانو د اړتیاوو په پام کې نیولو سره ترسره شوه، ترڅو هغوی د ژمي په سړه هوا کې له مناسبو امکاناتو څخه برخمن شي.
د نشراتو او عامه اړیکو عمومي مدیریت
